Contact Us

SON XƏBƏRLƏR

Moskva gözlənilmədən Azərbaycanın mövqeyinə dəstək verməyə başlayıb?!

2021.10.20, 07:36
Moskva gözlənilmədən Azərbaycanın mövqeyinə dəstək verməyə başlayıb?!

Gunaz.tv

GünAz TV: Rusiya prezidentinin Lavrov tərəfindən hazırlanan "Kazan prinsipləri"ni ləğv edərək tərəflərə yeni düzəlişlər təqdim etdiyi barədə xəbərlər yayılıb.

"Rusiya prezidenti Dmitri Medvedyev Dağlıq Qarabağ münaqişəsinin tənzimlənməsi ilə bağlı özünün mövqeyi barədə azərbaycanlı həmkarı İlham Əliyevə və Serj Sarkisyana göndərdiyi məktubunda Azərbaycan tərəfinin təqdim etdiyi bir sıra təklifləri dəstəklədiyini bildirib". Modern.az bildirir ki, bu barədə Rusiyanın nüfuzlu "Moskovskiye Novosti" qəzeti Kremldəki mənbələrinə istinadən məlumat yayıb.

Kremldəki mənbə qəzetə bildirib ki, Medvedyev Kazan görüşünün nəticəsiz bitməsinin səbəbləri ilə bağlı müzakirələr aparıb. Bəlli olub ki, rus və erməni diplomatları tərəfindən Bakının gedə biləcəyi siyasi kompromislərin (uzlaşma, sazişkaranə) miqyası həddən artıq qiymətləndirildiyi üçün Kazan görüşü iflasa uğrayıb. Bundan sonra vəziyyətə müdaxilə edən D.Medvedyev tabeliyində olanların səhvlərini təcili şəkildə düzəltməyə vadar olub. "Bizə daxil olan məlumatlara görə, Medvedyev Azərbaycan tərəfinin Dağlıq Qarabağ münaqişəsinin həlli üçün danışıqlar prosesinə (sürəcinə) təklif etdiyi bir sıra arqumentlərə (istidlal) tərəfdar çıxıb"-deyə qeyd edən qəzet bildirib ki, bu barədə Rusiya dövlət başçısı hər iki prezidentə göndərdiyi məktubunda fikirlərini izah edib.

Məhz bundan sonra ilk olaraq Azərbaycan Rusiya prezidentinin təkliflərinə cavab verib. Bunun sübutu kimi Elmar Məmmədyarovun Moskvaya səfərini göstərən "Moskovskiye Novosti" yazır ki, Sarkisyanın cavabı hələ bəlli deyil. "Məlumatlara görə, Azərbaycan tərəfi Medvedyevin məktubunda əks olunmuş təkliflərlə bağlı danışıqlar prosesini davam etdirməyə razılıq verib. Sarkisyanın bununla bağlı mövqeyi isə naməlumdur". Bu sözləri Moskva Dövlət Universitetinin İnformasiya-analitik Mərkəzinin baş direktoru Aleksey Vlasov qəzetə açıqlamasında bildirib. Politoloq qeyd edib ki, məhz buna görə Medvedyev ilk olaraq İlham Əliyevlə görüşməyə qərar verib. "Əliyevlə danışıqlar uğurlu olsa, məntiqlə Medvedyev Sarkisyanla görüşməlidir. Bundan sonra sentyabr ayında dəqiqləşdirilmiş və modifikasiya (islah) edilmiş "yol xəritəsi" imzalanmalıdır. Bu razılaşdırılırsa, o deməkdir ki, tərəflər danışıqlar prosesinin yeni mərhələsinə adlayır" - deyə Vlasov vurğulayıb. Qeyd edək ki, bu gün Soçidə Rusiya prezidenti ilə Azərbaycanın dövlət başçısı İlham Əliyev arasında görüş keçiriləcək. Rusiya prezidentinin dəvətilə keçirilən görüşdə Dağlıq Qarabağ münaqişəsilə bağlı aparılan danışıqlar prosesi müzakirə mövzusu olacaq. Bakı-xəbər

SEÇİLMİŞ XƏBƏRLƏR

Çox oxunanlar