Ayaz Mütəllibov Bakıya gəlib

SON XƏBƏRLƏR

Ayaz Mütəllibov Bakıya gəlib

2021.10.20, 07:36

Gunaz.tv

GünAz TV: Keçmiş prezidenti Hava Limanında (frudqahda) hüquq-mühafizə orqanları əməkdaşları qarşılayıb.

Azərbaycanın keçmiş prezidenti Ayaz Mütəllibov avqustun 8-də saat 19:40 radələrində Bakıya gəlib. Lent.az-ın əməkdaşının Heydər Əliyev Beynəlxalq Hava Limanından verdiyi məlumata görə, eks-prezident (sabiq-prezident) Hava Limanında hüquq-mühafizə orqanları əməkdaşları tərəfindən qarşılanıb və onların müşayiəti ilə Mərdəkandakı evinə yola salınıb.

Keçmiş prezident 19 ildən artıq müddətdən sonra oğlu Azad Mütəllibovun dəfn mərasimində iştirak etmək üçün Azərbaycana qayıdıb.

Qeyd edək ki, Ayaz Niyazi oğlu Mütəllibov 1990-cı ilin iyulundan (July) 1991-ci ilin avqustuna kimi Sovet İttifaqı (keçmiş Şurəvi) Kommunist Partiyası MK-nin və Sov.İKP MK-nin Siyasi Bürosunun üzvü olub. 1991-ci il sentyabrın (September) 8-də Azərbaycanın prezidenti seçilib. 1992-ci il fevralın 25-dən 26-na keçən gecə Xocalıda ermənilərin rus ordusunun köməkliyi ilə törətdiyi faciədən sonra Ali Sovetdə xalqın dəstəyini qazanan o vaxtkı müxalifət növbədənkənar sessiyanın (cələsə) çağırılmasına nail olub və Ayaz Mütəllibovu tutduğu vəzifədən istefa verməyə məcbur edib. Nəticədə Mütəllibov 1992-ci il martın 6-da istefa verib.

Həmin ilin mayında Ali Sovet öz qərarını ləğv edib və Mütəllibovu mayın 14-də vəzifəsinə qaytarır. Lakin müxalif cəbhədə duran Azərbaycan Xalq Cəbhəsinin təzyiqi altında Ayaz Mütəllibov yenidən istefası barədə sənədi imzalamalı olub və ölkəni tərk edib. O vaxtdan etibarən o, 1992-ci ildən Moskvada yaşayır.

Hazırda Azərbaycan Sosial Demokrat Partiyasının (ASDP) həmsədridir.

A. Mütəllibovu Nazirlər Sovetinin sədri və prezident vəzifələrində işlədiyi, habelə istefa verəndən sonrakı dövrdə çoxsaylı ağır cinayət əməlləri törətməkdə də ittiham edilir.

GUNAZ.TV

SON XƏBƏRLƏR