GünAz TV: Güney Azərbacan ərazisinin təbii sərvətlərlə zəngin olduğunu kimsə inkar edə bilməz. Ancaq təəssüflər olsun ki, həmin sərvətin xeyirini yerli əhalidən çox Tehran hakimiyyəti görür.

Daha doğrusu o,yürütdüyü ayrı-seçkilik siyasəti nəticəsində həmin sərvətlərin bərabər bölüşdürülməsi prinsipində (əsllində, ilkəsində) bir qayda olaraq, Güney Azərbaycanı unudur.

bu azmış kimi Güneyin sərvətlərinitalan edən hakimiyyət Azərbaycan türklərinin milli düşüncəsini aşağılayır, tarixini isə saxtalaşdırır.

Bütövlükdə vətənimizin zəngin yeraltı, yerüsüt sərvətələrə malik olduğu dostlarımıza da, düşmənilərimizə də yaxşı bəllidir. Güneylə bağlı bir neçə xəbəri diqqətinizə çəkmək istərdik.

 Şərqi Azərbaycan əyalətinin sənaye və təbii ehtiyatlar idarəsinin rəisi Müsafiri bildirib ki, Azərbaycanın mədən və iqtisadi ehtiyatları İranın neft ehtiyalarına bərabərdir. O, əlavə edib ki, bu əyalətin mineralları bir sıra hallarda keyfiyyət  baxımından dünyada taysızdır: «Bütün bunlar Şərqi Azərbaycanın böyük iqtisadi potensialanın olduğunu göstərir. Sərrmayə olacağı təqdirdə biz İranın iqtisadiyyatını tamam dəyişə bilərik».

Müsafirinin sözlərinə görə, Şərqi Azərbaycanda qızıl, gümüş, qurğuşun, dəmir, uran, daş kömür və s. əlvan metallar (müxtəlif filizzlər), minerallarla (mədəni) zəngindir : «Bu var-dövləti görən hər bir mütəxəssis heyrətini gizlədə bilmir». O, Azərbaycanın məhsuldar, əkinçilik üçün yararlı torpaqlarından da danışaraq, bölənin torpaqlarını «qızıl» adlandırıb. 

«Iran News»-un məlumanı əsasən, Qərbi Azərbaycan əyaləti Zərşoran qızıl yatağı hasilatı layihəsinin icraçı direktoru Hüseynəli Kevanlu deyib ki, bu yataq, özəlliklə Tikab rayonu önəminə görə, İranda qızıl istehsalı üzrə birinci mərkəz olacaq.

İcraçı direktorun sözlərinə görə, həmin rayonun (şəhərin, məntəqənin)  «Ağdərə» adlı kombinatında (qızıl saxlanıldığı yer) ildə 1,5- 2 ton qızıl istehsal edilir.

H.Kevanlu qeyd edib ki, Zərşoran yatağından 3 ton qızıl, 250 kq gümüş, 500 kq qurğuşun istehsalı planlaşdırılıb. Bu məqsədlə tikilcək kombinatın isə 2012-ci ilin dekabrında isttsmara verilməldir.

elə zəngin bir bölgədə isə hakimiyyət azərbaycanlılara məxsus şirkətləri qapadır.Bu ilin əvvəliində Güney Azərbaycanın Salmas şəhərində dörd istehsal müəssisəsinin bağlanması üzündən onlarca ailə çörəksiz qalıb.

İranın rəsmi informasiya mənbələrinin məlumatına əsasən, Arəş qənd və şirniyyat fabriki, «Məhsa» süd və süd məhsulları müəssisəsi, «Zola» süd zavodu, ət kombinatı qapadılıbı, Qələndəri süd məmulatları fabriki, Qab-qaşıq zavodu (karxanəsi) bağlanmaq üzrədir.Bu iki müəssisənin fəhlələrinin bir hissəsi artıq işdənq azad edilib.

Bu sərvətlərin yiyəsi olan Güney Azərbaycanın bölgələrinə çeşidli iqtisadi-sosial layəhələrin gerçəkləşdirilməsi üçün hakimiyyət iddia edir ki, sərmayə çatışmır.

Bir neçə gün öncə İran neft naziri vəzifəsini icra edən Məhəmməd Əliabadi Ərdəbildə səfərdə olarkən, deyib ki, oorada tikilən neft-kimya (neft-şimi) kombinatını istismara verməkdən ötrü güzəştli kreditin (vam) verilməsində problem var. 

Bu kombinatın tikintisinə 2006-cı ildə başlanılıb. Sonradan onun inşası 5 illiyinə dayandırılıb.

Maraqlıdır, Ərdəbildə, Qərbi Azərbaycanda, Şərqi Azərbaycanda və Azərbaycanın başqa əyalətlərində çeşidli sahələrlə bağlı planları (tərhləri) gerçəkləşdirməyə sərmayə tapmayan Tehran hakimiyyəti Tacikistanda İranın hesabına iri layihələr həyata keçirir.

İslam Respublikasının (Cümhuriyyəti) bu ölkədəki səfiri Ələsgər Şeirdust Düşənbənin valisi Məhəmməsəid Ubaydullayevlə görüşündə bildirib ki, ölkəsinin dövlət və özəl sektoru Tacikistanda ucuz və bütün standartlara cavab verəcək yaşyayış binaları tikməyə hazırdır.

Şəhər valisi səfirin təklifini məmnunluqla qəbul edib.Qeyd edək ki, iki ölkə arasında ticarət dövriyyəsi 300 milyon dollara yaxındır.

Güney Azərbaycanın sərvətini talan edən Tehran hakimiyyəti oranın yerli əhalisinin, Azərbaycan türklərinin tarixini saxtalaşdırır, milli haqlar uğrunda mübarizəni sözün əsli mənasında ələ salır.

Bu ayın əvvəlində Təbrizdə açıdığı sərgi ilə İran rejimi öz üzünü bir daha göstərib.

Şəhərin «Elgölü» parkıdan yerləşən mədəniyyət sarayında 1945-46-cı illərdə mövcud olmuş Azərbaycan Milli Hökumətinə, eləcə də o dövrə aid tarixi sənədələrdən ibarət sərgi keçirilib. Təbriz bələdiyyəsinin təşkil etdiyi bu tədbirdə Məhəmmədrza şahın Azərbaycana hərbi hücumu, Azərbaycan Milli Hökumətini qan içində boğması, ondan sonrakı illərdə Azərbaycan türklərinə qarşı Tehran hakimiyyəti tərəfindən tutulan divan qələbə kimi təqdim edilib. Güney Azərbaycan Milli Azadlıq Cəbhəsinin bununla bağlı yaydığı məlumatda bildirilib :«İndiki İran İslam Respublikası (Cümhuriyyəti) hakimiyyətinin öncəki irqçi rejimlərin Azərbaycan türklərinə qarşı törətdiyi cinayətləri gündəmə gətirərək, bunu farsların qələbəsi kimi təbliğ etməsi onların ortaq düşmənlik mövqeyini sərgiləyir».

İki gün öncə Təbrizdə Xəqani adına parkda açılan İncəsənət festivalında (cəşnvarə) isə hakimiyyət özünün mahiyyətini, azərbaycanlılara münasibətini göstərib. İnqilab Keşikçiləri Qvardiyasının («sipah»)«31 Aşurə ordusu»nun («Ləşrəki-Aşurə») təşəbbüsü ilə keçirilən bu festivalın açılışında qvardiyanın yüksək rütbəli hərbçiləri də iştirak edib.

Tədbirin diqqətçəci məqamlardan biri «Oyaq Azərbaycanın mədəni,miyasi və tarixi» adı altında yaradılmış bir pavliondur (ğorfə). GünAz TV-nin məlumatına əsasən, Azərbaycanın tanınmış şəxsləri, «Bozqurd» işarəsi, Bütöv Azərbaycan və bu kimi başqa mövzularla bağlı onacan karikatura nümayiş etdirilib. Təşkilatçılar bu karikatura və başqa tablolarla Azərbaycan və Azərbaycan Milli Hərəkatını gözdən salıb, lağ etməyə çalışıblar.

Bundan başqa məscidlərdə, ona bağlı yerlərdə qvardiya, oun əsas kadr bazası (payqahı, təməli) bəsicilər Azərbaycan məsələsini müzakirə edib, milli haqların təmin uğrunda mübarizə aparanlara qarşı işlədiləcək üsullardan söz açırlar.

Festival iyulun 28-də başa çatıb. Qvardiyanın təşəbbüsü ilə keçirilən bu tədbir 2006-cı ilin mayında hakimiyyətin rəsmi qəzetlərindən biri, «İran»ın türkləri təhqir edən materialını yada salır.O zaman buna etirazın gücünü görən hakimiyyət əl-ayağa düşdü. Azərbaycan türklərinə, oxucudan üzr istəyirik, yaltaqlanmaqdan belə çəkinmədi. Ali rəhbərdən tutmuş panfarsçıların ideoloqlarınacan hər kəs İran keçmiş, indiki və gələcək tarixində Azərbaycan türklərinin oynadığı və oyanayacağı önəmli roldan danışıb.

Görünür, Tehran rejimi bu sayaq davranışı ilə Azərbaycan türklərinin əsəblərini yoxlayır. Ancaq əbəs yerə…

Odur ki, milli haqqı tapdanan, tarixi təhrif olunan, milli varlığı inkar edilən, torpağı və sərvətləri talanan bir millətin bu əməllərini yiyələri ilə bir yerdə, bir dövlətdə yaşaması mümkündürmü?

Sədrəddin Soltan