Çində irqçilik: “20 nəfər Uyğur türkünü döyə-döyə öldürüblər”

SON XƏBƏRLƏR

Çində irqçilik: “20 nəfər Uyğur türkünü döyə-döyə öldürüblər”

2021.10.20, 07:36

Gunaz.tv

GünAz TV: Çinin Sincan-Uyğur muxtar bölgəsində (Doğu Türkistan) polislə toqquşmalar nəticəsində 20 uyğur ölüb.

GünAz TV mətbuat mərkəzinin APA-ya istinadən yaydığı məlumata görə, bu barədə "France-Presse" agentliyi (ajansı) mühacirətdəki uyğur aktivistlərə (fəallara) istinadən məlumat yayıb.

Dünya Uyğur Konqresi adlı təşkilatın açıqlamasına əsasən, polislər Xotan şəhəri yaxınlığında 14 uyğuru ölənə qədər döyüb və 6 nəfəri güllələyib. Hadisə uyğurlar yaxınlarının həbsdən azad olunması tələbilə aksiya keçirərkən baş verib. Çinin rəsmi KİV-i (Kütləvi İnformasiya Vasitələri) isə Xotanda terrorçuların polis məntəqəsinə basqın etdiyi, nəticədə 4 nəfərin həlak olduğu xəbərini yayıb. Olaylarda 70 nəfər həbs edilib.

Çinin Sincan əyalətində yaşayan uyğur türkləri icması Çin hökumətini müsəlmanları sıxışdırmaqda, dinləri ilə bağlı təzyiq etməkdə ittiham edir. APA-nın voanews.com saytına istinadən verdiyi xəbərə görə, uyğurlar bildirir ki, Çin hökuməti milyonlarla etnik han çinliləri həvəsləndirir ki, bu regiona (bölgəyə) köçüb uyğurların əlindən iş yerlərini alsınlar. Çin hökuməti isə uyğurları zorakılıqdan istifadədə etməkdə günahlandırır. Bazar ertəsi günü Çinin uyğurlar yaşayan Sincan Muxtar Vilayətində polis bölməsinə hücum edilib, azı dörd nəfər qətlə yetirilib. Rəsmi Sinxua xəbər agentliyinin məlumatına görə, üsyançılar Xotan şəhərində polis idarəsinə hücum edib, polis əməkdaşlarını girov götürüb, binaya od vurub. Xəbərə görə, əraziyə əlavə polis qüvvələri cəlb olunub, onlar hücum edənlərə atəş açıb, altı girovu azad edib. Hadisə vaxtı bir polis, bir təhlükəsizlik xidməti əməkdaşı, iki girov öldürülüb. Bir neçə girov xəstəxanaya yerləşdirilib. Sincan əyalətində illərdir etnik han çinliləri və yerli uyğur əhali arasında qarşıdurmalar baş verir. Çin hökuməti deyir ki, təkcə 2009-cu ildə regionda etnik zəmindəki qarşıdurmalarda 200 nəfər həlak olub. Almaniyada yerləşən hüquq müdafiə qrupu Dünya Uyğur Konqresinin katibi Dolkun İsa bildirib ki, keçən həftə polis Hotanda və başqa yerlərdə bir neçə nəfəri səbəbsiz həbs edib. Tutulanların qohumları yığışıb yerli hökumətdən onların azad olmasını tələb ediblər, qarşıdurma da bundan sonra başlayıb. Rəsmi Pekin uyğurların ittihamları rədd edir və bildirir ki, muxtar respublikanın (cümhuriyyətinin) iqtisadiyyatının dirçəldilməsi və etniklərin hüquqlarının qorunması istiqamətində xeyli iş görüb. Çin rəsmiləri indiyə qədərki bəyanatlarında, həmçinin, regiondakı qarşıdurmalara görə separatçıları günahlandırıblar.

GUNAZ.TV

SON XƏBƏRLƏR