İran Suriyaya iqtisadi yardım edir

SON XƏBƏRLƏR

İran Suriyaya iqtisadi yardım edir

2021.10.20, 07:36

Gunaz.tv

GünAz TV: Yaxın Şərqdəki ictimai-siyasi fəallığın artması ilə paralel (muvazi) olaraq İranın bu proseslərdə (sürəc) iştirakıyla bağlı mübahisələr də alovlanır.

Bir anda qarışan və hələlik əhəmiyyətli dərəcədə sakitləşmiş kimi görünən Bəhreyndəki, qeyri-müəyyənlik içərisində olan Liviyadakı (Libidəki) və qeyri-müəyyənliyə doğru aparılan Suriyadakı proseslərdə İranın iştirakı beynəlxalq ictimaiyyət tərəfindən daim tənqid olunur.

Artıq dəfələrlə Liviya və Suriyaya hərbi-texniki dəstəyi gündəmə gitirilən İranın indi də Suriyaya milyardlarla dollarlıq yardım etməyi planlaşdırdığı (tərhini tökdüyü) iddia edilir. Fransada dərc olunan “Les Echos” adlı iqtisadiyyat qəzetinin iddiasına görə İranın dini lideri ayətullah Əli Xamenei iqtisadiyyatını gücləndirmək üçün Suriyaya təxminən 6 milyard dollarlıq kömək edilməsini istəmişdir. Qəzet sözügedən kömək çərçivəsində 3 ay ərzində mütəmadi olaraq yarım milyard dollarlıq kreditin (vam) dərhal verilə biləcəyini də yazmışdır. Bunun xaricində İranın Suriyaya gələcək aydan başlayaraq hər gün 290 min vedrə xam neft verəcəyi və suriyalıların nağd pul ilə Livana (Lübnana) qaçmalarını önləmək üçün sərhəd idarələrinə dəstək verəcəyi iddia edilmişdir. Onsuz da iqtisadi problemlər məngənəsində sıxılıb qalan, cəmiyyətinin sosial-iqtisadi problemlərini həll edə bilməyən İranın bu addımının iqtisadi əsaslarının olmadığı dəqiqdir. Amma məsələnin digər tərəflərinə də nəzər salmaq salmaq lazımdır.

Bilindiyi kimi onsuz da çox yaxşı vəziyyətdə olmayan Suriya iqtisadiyyatı aylardır davam edən mitinqlər, tətillər və qeyri-sabitliyə görə böyük zərbə almışdır. Ölkədəki problemlərlə yanaşı beynəlxalq sanksiyalar (təhrimlər), neft ixracatındakı və ümumən ticarət həcmindəki azalma ölkə iqtisadiyyatına mənfi təsir etmişdir. İran isə köməklik göstərərək Suriyadakı rejimin ömürünü uzatmağa çalışır. Ancaq bu addımı ilə bir daha nəzərləri mənfi mənada üzərinə çəkir. Eyni zamanda nə qədər təzadlı siyasət apardığını bir daha nümayiş etdirmiş olur. Çünkü İran bir yandan Bəhreyn hökumətini öz vətəndaşlarına qarşı rəftarına görə qınayır, eyni zamanda ölkə əhalisini sülh və qarşılıqlı razılıqda yaşamağa çağırır. Amma, Suriyada və Liviyada tam əks istiqamətli addımlar atır.

İllər boyunca daxili siyasətində buraxdığı nöqsanları, habelə Suriyadakı etiraz aksiyaları iştirakçılarına qarşı həyata keçirilən vəhşiliklərdə birbaşa iştirakını nəzərə alaraq, İran tərəfindən Bəhreynin daxili işlərinə müdaxiləni riyakar addım adlandırmaq olar. İran hökuməti yalnız öz maraqları naminə ikili standartlar əsasında fəaliyyət göstərir. İranın regiondakı (bölgədəki) proseslərə müdaxiləsi özündən başqa (bu da qısa müddətli olaraq rejimin ömrünün uzadılmasına yardım etmiş olar) heç kəsə fayda gətirməyəcəkdir. Araztm

GUNAZ.TV

SON XƏBƏRLƏR