Amerikanın Azərbaycandakı səfirliyi 13 yaşlı qızın həlak olması ilə bağlı hadisəni diqqətlə araşdırmağa çağırır

SON XƏBƏRLƏR

Amerikanın Azərbaycandakı səfirliyi 13 yaşlı qızın həlak olması ilə bağlı hadisəni diqqətlə araşdırmağa çağırır

2021.10.20, 07:36

Gunaz.tv

GünAz TV: ABŞ-ın (Amerika Birləşmiş Ştatlarının) Bakıdakı səfirliyi Azərbaycanın Tovuz rayonunda (şəhərində) 13 yaşlı qızın həlak olması ilə bağlı insidentin (hadisənin) diqqətlə və şəffaf şəkildə araşdırılmasına çağırır.

Bu barədə Trend-ə səfirliyin mətbuat xidmətindən bildiriblər.

“Biz bu insidentin diqqətlə, şəffaf şəkildə araşdırılmasına çağırırıq”, - səfirliyin mətbuat katbi Kis Bin deyib.

ABŞ səfirliyinin nümayəndəsi həlak olanın ailəsinə və yaxınlarına dərin hüznlə başsağlığı verib.

Azərbaycanın Tovuz rayonunun Ermənistanla həmsərhəd olan Əlibəyli kəndində partlayıcı qurğunun işə düşməsi nəticəsində 1998-ci il təvəllüdlü Şahmalıyeva Aygün Zirəddin qızı həlak olub, onun anası 1979-cu il təvəllüdlü Şahmalıyeva Elnarə Məmmədtağı qızı isə bədəninin bud nahiyəsindən xəsarət alaraq yaralanıb.

Partlayıcı qurğu quraşdırılmış “itəbənzər” uşaq oyuncağı ermənilər tərəfindən Əlibəyli kəndinə daxil olan Tovuz çayına buraxılıb.

Həmin ərazidə oynayan Cəfərov Elsəvər Həsən oğlu və Şahmalıyeva Aygün Zirəddin qızı oyuncağı taparaq Cəfərov Həsənin evinə gətiriblər. Evdə oynayan zaman Aygün Şahmalıyeva oyuncağı masanın üstünə vurub və nəticədə partlayış baş verib.

Şahmalıyevlər ailəsi Rusiyanın Sankt-Peterburq şəhərində yaşayır. Ailə üzvləri Əlibəyli kəndinə qohumlarının yanına qonaq gəliblər.

Faktla bağlı Tovuz rayon prokurorluğu (dadistanlıq) araşdırma aparır.

1994-cü ildə də həmin ərazidə analoji (oxşar) hadisə baş vermişdi. Belə ki, ermənilər tərəfindən çaya buraxılan oyuncağı götürərkən partlayışın baş verməsi nəticəsində iki azyaşlı uşaq həlak olmuş, biri isə yaralanmışdı.

GUNAZ.TV

SON XƏBƏRLƏR