Contact Us

SON XƏBƏRLƏR

Azərbaycan Ermənistana qarşı qaldırılan iddia ərizələrini Avropa Məhkəməsinə göndərib

2021.10.20, 07:36
Azərbaycan Ermənistana qarşı qaldırılan iddia ərizələrini Avropa Məhkəməsinə göndərib

Gunaz.tv

GünAz TV: Azərbaycan Ermənistana qarşı qaldırılan iddia ərizələrini Avropa Məhkəməsinə göndərib.

Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı İctimai Birliyindən AzərTAc-a bildiriblər ki, işğal olunmuş ərazilərdə ermənilər tərəfindən dağıdılmış və ya erməniləşdirilmiş Azərbaycana məxsus 4 məscid, 5 muzey və 3 Alban dövrü monastırının (sumeesəra) vandalizmə məruz qalması barədə Ermənistana qarşı məhkəmə iddiası artıq Avropa Məhkəməsinə göndərilib. İddianın Azərbaycan Respublikasının (Cümhuriyyətinin) Prezidenti Yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Erməni təcavüzündən zərər çəkən Azərbaycan vətəndaşlarının mülkiyyət hüquqlarının bərpası ilə bağlı Avropa İnsan Hüquqları Məhkəməsində Ermənistana qarşı məhkəmə iddiasının qaldırılması” adlı layihə çərçivəsində həyata keçirildiyi bildirilir.

Təşkilatın sədri Faiq İsmayılov bildirib ki, iddia Kəlbəcər rayon (şəhər) Tarix-diyarşünaslıq muzeyi, Kəlbəcər Gəncəsər monastırı, Şuşa şəhərindəki Aşağı Gövhərağa və Yuxarı Gövhərağa məscidləri və başqa abidələrlə bağlı qaldırılıb.

İşğal olunmuş ərazilərdə Azərbaycanın daşınmaz tarix və mədəniyyət abidələrinin ermənilər tərəfindən uçurulub dağıdılması və ya erməniləşdirilməsi prosesi (sürəci) son illər daha da intensivləşdiyindən (şiddətləndiyindən), ölkə daxilində istər vətəndaş cəmiyyətinin üzvlərini, istərsə də müvafiq dövlət-hökumət qurumlarını ciddi tədbirlər görməyə məcbur etmişdir. 2010-cu ildə Azərbaycan tərəfi işğal olunmuş ərazilərdə təbii sərvətlərin və mədəni irsin talan edilməsi, qeyri-qanuni məskunlaşma və mülkiyyət hüquqlarının pozulması ilə bağlı vəziyyətin araşdırılması və müvafiq qiymətləndirilməsi məqsədi ilə həmin ərazilərə ATƏT-in (Avropa Təhlükəsizlik və Əməkdaşlıq Təşkilatının) Minsk qrupunun həmsədrlərinin rəhbərliyi altında beynəlxalq dəyərləndirmə missiyasının (görəvinin) səfərinin təşkilinə nail olmuşdu. Missiyanın hesabatı 2011-ci il yanvarın (January) 23-də tərəflərə təqdim edilmişdi.

SEÇİLMİŞ XƏBƏRLƏR

Çox oxunanlar