Contact Us

SON XƏBƏRLƏR

“SEPAH” komandanına (fərmandehinə) Xomeyninin sözlərini xatırlatdılar

2021.10.20, 07:36
“SEPAH” komandanına (fərmandehinə) Xomeyninin sözlərini xatırlatdılar

Gunaz.tv

GünAz TV: Keçmiş prezident Məhəmməd Xatəminin qardaşı, Müşarikət Cəbhəsi Partiyasının üzvü Məhəmmədrza Xatəmi və İran İslam Respublikasının qurucusu ayətullah Xomeyninin nəvəsi Həsən Xomeyni İran İnqilab Keşikçiləri Korpusunun (“Sepah”) baş komandanı (fərmandehi) Məhəmmədəli Cəfərinin iki gün əvvəlki bəyanatlarına sərt reaksiya (əksüləməl) verib.

Məhəmmədəli Cəfəri iyulun (July) 5-də jurnalistlərlə söhbətində keçmiş prezident Məhəmməd Xatəmidən danışıb. O, jurnalistlərdən birinin  Məhəmməd Xatəminin yenidən siyasi səhnəyə qatılması ehtimalı haqda sualına belə cavab verib: “Təbii ki, islahatçılar cərəyanına bağlı olan, müəyyən həddi aşmayan şəxslər siyasi arenaya (siyasi ərsəyə) qayıda, siyasi rəqabətdə iştirak edə bilərlər. Cənab Xatəminin buna nə dərəcədə nail olacağı onun tutduğu mövqedən asılıdır. Məhəmməd Xatəmi son fitnə cərəyanında (2009-cu ilin iyununda keçirilən prezident seçkisinin rəsmi nəticələrinə qarşı kütləvi etirazlar nəzərdə tutulur – red.) sınaqdan çıxmadı. O, fitnə başçılarına (müxalifət liderləri Mirhüseyn Musəvi və Mehdi Kərrubi nəzərdə tutulur – red.) qoşulub onlara açıq-aşkar dəstək verdi”.

GünAz TV mətbuat mərkəzinin “Media forum”-a istinadən yaydığı məlumata görə, Məhəmədrza Xatəmi “Sepah”ın baş komandanına məktub yazaraq onun siyasətçilərə şərt qoymasına etiraz bildirib: “Sizin mövqeyiniz ayətullah Xomeyninin silahlı qüvvələrin siyasətə qarışmaması tövsiyəsinə ziddir. Sizin bir hərbi komandan kimi bu rəftarınızın dünya siyasətində bir anlamdan başqa mənası yoxdur. O da çevriliş hakimiyyəti anlamıdır. Çünki çevriliş etmiş hərbçilərin hakimiyyətində hərbi komandanın sözü qanundur. Cənab Cəfəri siz istər qanun, istərsə də dini baxımdan elə bir mövqedə deyilsiniz ki, siyasətçiləri təhdid edib, onlara şərt qoyasınız”.

Həsən Xomeyni isə jurnalistlərlə söhbətində “Sepah” komandanının siyasətçilərə şərt qoymasını rədd edərək ayətullah Xomeyninin hərbçilərin siyasi işlərə qarışmaması barədəki tövsiyəsini xatırladıb: “Məgər siz özünüzü və başçılıq etdiyiniz orqanı inqilab üsullarına və ayətullah Xomeyninin əmrinə tabe saymırsınız?”

 

SEÇİLMİŞ XƏBƏRLƏR

Çox oxunanlar