Contact Us

SON XƏBƏRLƏR

Türkiyə parlamentinə yeni sədr seçilib

2021.10.20, 07:36
Türkiyə parlamentinə yeni sədr seçilib

Gunaz.tv

GünAz TV: AKP-dən millət vəkili Cəmil Çiçək Türkiyə Böyük Millət Məclisinin spikeri (sədri) seçilib. O parlamentdə gizli səsvermə yolu ilə keçirilən seçkilərdə 322 səs toplayaraq qalib gəlib.

Parlament seçkilərinin nəticəsinə görə Böyük Millət Məclisində Ədalət və İnkişaf Partiyası 327, Cümhuriyyət Xalq Partiyası 135, Milliyyətçi Hərəkat Partiyası 53, bitərəflər isə 35 yerə sahib olublar. Parlamentin spikeri seçilməsi üçün səsvermədə yalnız Ədalət və İnkişaf və Millyətçi Xalq Partiyası səsvermə hüququna malik olub. Cümhuriyyət Xalq Partiyası isə parlamentin ümumi iclasında iştirak etsə də, and içmədə iştirak etmədiyindən səs vermək hüququna malik olmayıb. Üç turda keçirilən spikerlik seçkisində Milliyyətçi Hərəkat Partiyasının millətt vəkili Tunca Toskay və AKP millət vəkili Zelkif Kazdal və Cəmil Çiçəyin namizədliyi irəli sürülüb. Spiker seçilmək üçün zəruri olan 267 səsin toplamısı yetərli olan sonuncu turda Tunca Toskay və Zelkif Kazdal lazımi səsləri toplaya bilməyiblər. AKP millət vəkili Cəmil çiçək isə 322 səs toplayaraq Türkiyə Böyük Millət Məclisinin 25-ci spikeri olub. Yeni spiker millət vəkilləri qarşısında təşəkkür çıxışında Türkiyə üçün yeni konstutisiyanın (Anayasanın) lazım olduğunu vurğulayıb. Çiçək parlamentdə and içməyən millət vəkillərinə çağırış da ünvanlayıb. Qeyd edək ki Cümhuriyyət Xalq Partiyası və , Barış və Demokratiya Partiyası parlamentdə and içməkdən etiraz ediblər. Cəmil Çiçək Türkiyə parlamentinin mübahisə məkanı deyil, ciddi məsəslərin həlli yeri olduğunu da, vurğulayıb. Türkiyənin baş naziri Rəcəb Tayyib Ərdoğan Cəmil Çiçəyin spiker seçilməsinə münasibət bildirərək onun parlamentin qarşıdakı fəaliyyəti zamanı uğurlu və düzgün siyasət yürüdəcəyini deyib. Baş nazir CHP və BDP-nin Böyük Millət Məclisində and içməmələrinə də, münasibət bildirib və hər iki partiyaya xəbərdarlıq edib. Onların millət vəkilliyindən məhrum olunacağının mümkünlüyünü qeyd edib. O,hər iki partiyanın yeni konstitusiyanın formalaşdırlmasında iştirak edə biləcəklərini də bildirib.

SEÇİLMİŞ XƏBƏRLƏR

Çox oxunanlar