Contact Us

SON XƏBƏRLƏR

İranda Azərbaycanla bağlı qapalı dinləmələr keçirilib

2021.10.20, 07:36
İranda Azərbaycanla bağlı qapalı dinləmələr keçirilib

Gunaz.tv

GünAz TV: İran parlamentinin xarici siyasət və milli təhlükəsizlik üzrə komissiyası (komisiyonu) Tehran-Bakı münasibətlərinə dair qapalı dinləmələr keçirib.

 

İran KİV-lərinin (Kütləvi İnformasiya Vasitələrinin) məlumatına görə, dinləmələrdə iştirak etmək üçün bu ölkənin Azərbaycandakı səfiri Məhəmməd Bağır Bəhrami Tehrana çağırılıb. Dinləmələrin detallarına (cüziyyatına) dair rəsmi açıqlama verilməsə də, yayılan informasiyalara görə, komissiyada İran-Azərbaycan münasibətləri ilə yanaşı, regiondakı (bölgədəki) digər hadisələr də müzakirə olunub.

 

Təhlükəsizlik məsələləri üzrə ekspert (karşünas) Sülhəddin Əkbərin sözlərinə görə, istənilən qapalı dinləmələr müzakirəyə çıxarılan məsələnin hərtərəfli araşdırılmasını nəzərdə tutur. Ona görə istər demokratik, istərsə qeyri-demokratik ölkələrdə bu cür dinləmələrin keçirilməsi normaldır: “Bu cür dinləmələr dövlət qurumlarında və ya müstəqil mərkəzlərdə aparıla bilər. Ona görə İranın bu cür addım atmasında qeyri-adi heç nə yoxdur. Digər tərəfdən, bölgədə baş verənləri analiz etsək, İranın nəyə görə bu cür addım atdığını anlamaq olar. Öncə onu qeyd etmək lazımdır ki, İranın nüvə proqramı ətrafında vəziyyət gərginləşir. Bundan başqa, ”ərəb baharı”nın Suriya sərhədlərini aşaraq İrana keçəcəyindən Tehran narahatdır. Ona görə xarici siyasətində bir sıra mühüm dəyişikliklər etmək istəyir”.

 

İranla Türkiyə arasında münasibətlərin gərginləşməsinin fonunda (zəminində) da Azərbaycanla əlaqələrə yenidən baxılmasını başadüşülən sayan S.Əkbər vurğuladı ki, ABŞ (Amerika Birləşmiş Ştatları) dövlət katibinin hərbi-siyasi məsələlər üzrə müavini Endrü Şapironun Azərbaycana gəlişi də İranın diqqətindən yayınmayıb. Çünki dövlət katibinin Bakıda əsas müzakirə etdiyi mövzulardan biri Xəzərin Azərbaycan sektorunun (bölümünün) mühafizəsinə ABŞ-ın göstərə biləcəyi yardımlar olub.

 

S.Əkbərin sözlərinə görə, Qarabağ məsələsində də danışıqlar prosesinin (sürəcinin) aktivləşməsi İranın narahatlığına səbəb olub. Çünki Iran düşünür ki, Qarabağ problemi Qərbin nəzarəti altında həllini taparsa, bura ATƏT-in (Avropa Təhlükəsizlik və Əməkdaşlıq Təşkilatının)  NATO-nun sülhməramlıları gələ bilər ki, bu da İranın maraqlarına uyğun deyil. Azadlıq qəzeti

 

SEÇİLMİŞ XƏBƏRLƏR

Çox oxunanlar