İranın Qərb qorxusu

SON XƏBƏRLƏR

İranın Qərb qorxusu

2021.10.20, 07:36

Gunaz.tv

GünAz TV: Müasir dünyada ikinci belə bir ölkə tapılmaz ki, dünyadan bu dərəcədə təcrid olunmağı özünə rəva görsün. Nəinki rəva görsün, buna var gücü ilə çalışsın.

O həddə qədər ki, insanların nəyi və necə geyinməyinə də hüquq–mühafizə orqanları səviyyəsində nəzarət və müdaxilə olunsun.

Yadınızdadırsa, bir müddət öncə İranda kişilərin saç düzümünün necə olması ilə bağlı fotolar bu ölkənin rəsmi qurumları tərəfindən “rəsmi olaraq” açıqlandı. Təxminən 60-cı illərin saç düzümünü xatırladan bu formanın kişilərin, xüsusən də gənclərin ürəyincə olmayacağını mütləq demək olardı.

Sual yaranır: əgər söhbət İslam qayda-qanunlarından gedirsə, niyə tutaq ki, başın tamamilə qırxılması yox, qalın tüklü saxlanılması tələb olunur. Məsələnin də məğzi bax bu sualın cavabındadır: İran rejimi əslində insanlara heç nəyi məcburən qəbul etdirməyən İslam dinini əldə bayraq edib, qərb təsirlərinin ölkəyə nüfuz etməsindən qorunur.

Son dövrlərdə isə rejim “qərbə bənzəyən hər bir şeyə “yox” deyək” şüarı ilə ölkə vətəndaşlarını təhdiddə saxlayır. Təsəvvür edin, ölkədə narkobizneslə (müxəddir maddələrin ticarəti), cinayətkarlıqla mübarizənin ürəkaçan səviyyədə olmadığı bir vaxtda İran polisi ölkə vətəndaşlarının tumanlarının rəngi ilə maraqlanır.

İnanmırsınız? Buyurun, İran polisinin rəhbəri Xoseyn Səccadinin açıqlamasını oxuyun: “Əxlaqsız geyim elementlərinə (ünsürlərində) qarşı mübarizə polisin əsas vəzifələrindəndir. Polis bununla bağlı plan (tərh) həyata keçirmək niyyətindədir. Bu cür layiqsiz geyim və bəzəklərdən istifadə edən kişilər heç bir güzəştsiz həbs olunacaqlar”.

Beləliklə, indi İranda hamı eyni cür geyinməli, eyni cür saç düzümündən istifadə etməlidir. Kişilərə qadın alt paltarları satılmır. Və məsələ burasındadır ki, İran rejimi bütün bu qadağaları İslamla bağlayır.

Amma gəlin görək İslam mütəxəssisləri nə deyir?

Dini ekspert (karşünas) Elşad Miri: “Quranda, ümumiyyətlə, İslam dinində geyimə görə hansısa cəza növü nəzərdə tutulmayıb. İslam insanlara azadlıq verən, sadəcə olaraq onlara əxlaqlı olmağı tövsiyə edən bir dindir. İranın İslam adına etdiyi bu qadağalar isə dinimizin adına ləkə gətirməkdən başqa heç nəyə yaramır”.

Dini ekspert həmçinin bildirir ki, İslamda heç bir millət başqasından üstün elan edilməyib.

“Ona görə də İran hökumətinin qərb mədəniyyətinə yuxarıdan aşağı baxması dinimizə uyğun deyil”.

Qızılgül Abdinova

Gün.Az

GUNAZ.TV

SON XƏBƏRLƏR