GünAz TV: Bir neçə gündür informasiya vasitələri İranla Argentina arasındakı sövdələşmə haqda məlumat yayır.

Məsələ ilə bağlı «MIGnews»-un yaydığı xəbərə görə, Tehran hakimiyyəti rəsmi Buenos-Ayerosdan yəhudilərə məxsus səfirlik və mədəniyyət mərəkəzində baş vermiş partlayışlarla bağlı araşdırmaya son verməyi istəyib.

Xatırladaq ki, 1992-ci ildə  İsrail səfirliyinin binasındakı partalyışdan sonra 29 nəfər, 1994-cü ildə Argentina paytaxtında yəhudilərin mədəniyyət mərkəzi yaxınlığında avtomobilin parladılması nəticəsində 85 nəfər həlak olmuş, çoxlu sayda insan yaralanmışdı.

Xəbərə əsasən,  «toyuq yaddaşı» xidməti göstərəcəyi halda  İslam Respublikası (Cümhuriyyəti)  Argentinaya maliyyə vəziyyətini yaxşılaşdırmağı boyun olub.

Argentinanın «Perfil» informasiya vasitəsinin məlumatına görə, Tehran rəsmi Buenos-Ayrosdan  terror aksiyalarını dayandırmağı xahiş edib.

Argentina hakimiyyəti ehtimal edir ki, həmin terror olayında İran tərəfindən himayə edilən Livan «Hizbullah»ın da əli var. Bundan başqa bəhs etdiyimiz terror aksiyasının təşkilində İranın indiki müdafiə naziri Əhməd Vahidinin iştirak etdiyi istisna edilmir.

Qeyd edək ki, Əhməd Vahidi nazir olmazdan öncə İnqilab keşikçiləri Qvardiyası (SEPAH) «əl-Qüds» briqadasının (tipinin) komandanı olub. Mahmud Əhmədinejadın prezidentliyinin birinci dövründə o, müdafiə nazirinin müavini vəzifəsində çalışıb. «əl-Qüds»ün «Qüds qüvvəsi» qolu əsasən xarici ölkələrdə fəaliyyət göstərir.

Onunla yanaşı İranın daha 4 dövlət məmuru bu işlə əlaqədar İnterpol (beynəlxalq polis) tərəfindən axtarışdadır. Əhməd Vahidinin adı 1996-cı ildə ABŞ-ın (Amerika Birləşmiş Ştatları) Səudiyyə Ərəbistanındakı hərbi kazarmasının partladılmasında da çəkilir. «Başen Xobra»nın partladılması nəticəsində 19 amerikalı hərbçi həlak olmuşdu.

Avropa xüsusi xidmət orqanlarının məlumatına görə, nazir müavini işlədiyi dövrdə o, İranın atom-nüvə proqramını və pilotsuz (xələbansız) uçuş qurğusunun yaradıomasına nəzarəti həyata keçirib.

Yeri gəlmişkən İnterpol tərəfindən İranın keçmiş prezidenti Haşimi –Rəfsəncani, qvardiyanın keçmiş komandanı Möhsün Rzai və indiki prezident Mahmud Əhmədinejad da axtarışdadır.

«Perfil» qəzeti məsələ əldə etdiyi sənəddən örnək göstərərək, daha sonra yazıb: «Argentina bu iki hücumu araşdırmaqda maraqlı deyil. Bundan başqa İranla öz iqtisadi əlaqələrini yaxşılaşdırmağa üstünlük verir».

Ölkə prezidenti Kristina Fernandesi tənqid edən qəzet qeyd edib ki, təklif Argentinanın xarici işlər naziri Hektor Timmermana bu yaxınlarda Dəməşqdə səfərdə olarkən, İslam Respublikasının (Cümhuriyyətinin) ən yaxın müttəfiqi, Suriya prezidenti Bəşşar Əsəd tərəfindən olunub.

Ötən həftənin sonunda, xəbər yayıldığı gün İsrail Argentinadan məsələyə dair rəsmi açıqlama tələb edib. Argentina ilə İran arasında iqtisadi-ticarət əlaqələrinin genişləndirilməsinə dair danışıqların başlaması təsdiqlənərsə, o zaman qarşıdan gələn həftə Timmermanın İsrailə səfəri Təl-Əviv tərəfindən təxirə salına bilər.  

Prokuroru (dadistanı) Alberto Nisman yerli «Prensa Judia» qəzetinə müsahibəsində «Prefil»-in yazdığını təkzib edib : «Əminəm ki, Argentina hakimiyyəti yayılmış xəbər haqda heç düşünmür. Bu tamamilə yalandır». Onun sözlərinə görə, 17 ildən artıq davam edən araşdırma uğurla irəliləməkdədir.

Prokukrorun bəyanatı hələ Argentina hakimiyyətinin rəsmi mövqeyi sayılmır. Odur ki, Tehran –Buenos-Ayeros anlaşması hələ də beynəlxalq ictimaiyyət üçün qaranlıq olaraq, qalmaqdadır.

Nəzərə almaq lazımdır ki, ikinci dünya savaşından sonra faşistləri bir hissəsi məhkəmdə qaçaraq, Latın Amerikasında, o cümlədən Argentinada gizlənmişdilər.

Bu sayaq məsələləri ört-basdır etmək üçün hakimiyyətlər terror törədənlərlə «qara sövdələşməyə» də girirlər.

1986-cı ildə Qərbi Berlindəki əyləncə klubunda baş verən partlayış nəticəsində iki amerikalı  hərbçinin həlak olmuşdu. Onda  Mərkəzi Kəşfiyyat İdarəsi teraktda Liviyanı (Libini) suçladı. 2 il sonra Liviya lideri Qəddafinin əmiri ilə Şotlandiyanın Lokkerbi şəhərində ABŞ-a (Amerika Birləşmiş Ştatlarına) məxsus sərnişin təyyarəsinin partladılması nəticəsində 270 nəfər həlak oldu.

Ötən il Liviya lideri həmin terror aksiyası nəticəsində həlak olanların ailə üzvlərinə «qan pulu» ödəməklə Qərblə münasibətinin qurmağa başladı. Görünür, Tehran hakimiyyəti də Argentina rəhbərliyi ilə oxşar sövdələşməyə girərək, mərkəzin və səfirliyin parladılması faktının ört-basdır etməyə çalışır. Hələlik nə rəsmi Tehran, nə də Buenos-Ayeros qəzetin yazdığına münsibət bildirməyib.

Sədrəddin Soltan