Hillari Klintondan xəbərdarlıq: “Lazım gəlsə, Suriyanı da vuracağıq”

SON XƏBƏRLƏR

Hillari Klintondan xəbərdarlıq: “Lazım gəlsə, Suriyanı da vuracağıq”

2021.10.20, 07:36

Gunaz.tv

GünAz TV: ABŞ (Amerika Birləşmiş Ştatları) dövlət katibi zorakılıqlar davam edərsə, BMT-dən (Birləşmiş Millətlər Təşkilatından) müdaxilə üçün mandat (hökm) istəyəcəklərini açıqladı.

Suriyada vəziyyət daha da gərginləşib. Ölkənin avtoritar (müstəbid) rəhbəri Bəşər Əsədin Lazkiya şəhərində keçirilən aksiyaların (yürüşlərin) qarşısını almaq üçün göndərdiyi hərbi qüvvələrin müdaxiləsi nəticəsində ən azı 12 adam həyatını itirib. Suriya prezidentinin müşaviri Busseyn Şaban bildirib ki, ölkənin şimal-qərbində yerləşən Lazkiya liman şəhərində son iki gündə yaşanan qarşıdurmalarda həyatını itirən 12 adamdan 10-u əsgərlərdir. Qarşıdurmalarda çoxu təhlükəsizlik qüvvələrinin üzvləri olmaqla 200-dən artıq adam xəsarət alıb.

Bu arada Suriya hüquq-mühafizə orqanları Dera şəhərində məktəb divarlarına şüarlar yazan 15 uşağın və siyasi məhbusların buraxılması tələbi ilə keçirilən aksiyaların (yürüşlərin) ardından 17 adamı azad etməyə məcbur olublar. Azad edilənlər arasında Dera şəhərində həbs olunan etirazçı fəal Diana Cavabra da yer alıb.

ABŞ-ın dövlət katibi Hillari Klinton isə lazım gələrsə, Suriyaya qarşı da hərbi müdaxiləyə yol veriləcəyi barədə xəbərdarlıq edib. O, Suriyanı hələlik vurmaq barədə düşünmədiklərini, amma BMT-nin dəstəyi ilə ortaya çıxa biləcək mövqe birliyi halında hərbi müdaxilənin mümkün olduğunu dilə gətirib. «CBS» televiziyasına müsahibə verən Klinton Suriyada yaşanan zorakılıq hallarını qınayıb, hökuməti islahatlar və sülhün bərpası istiqamətində addımlar atmağa çağırıb. Suriyada vəziyyətin hələlik Liviya (Libi) ilə eyni olmadığını deyən Klinton Bəşər Əsədin beynəlxalq qınaqla üz-üzə qalması halında BMT Təhlükəsizlik Şurasından səlahiyyət alan koalisiya (etilaf) qüvvələrinin hərbi müdaxiləyə başlaya biləcəyini deyib. Bizim yol

GUNAZ.TV

SON XƏBƏRLƏR