GünAz TV: Martın )marchın) 27-28-də Tehranda Novruz törəninin keçirilməsi planlaşdırılıb. Tərdbirə qonşu dövlətlərin başçıları dəvət edilib.

Bir müddət öncə İran prezidenti Mahmud Əhmədinejad Azərbaycan, İraq, Əfqanıstan, Tacikistan, Türkmənistan, Türkiyə və Pakistanın dövlət başçılarına Novruzla bağlı mərasimə qatılmaq üçün dəvət göndərmişdi.

Qeyd edək ki, 2010-cu il fevralın 23-də BMT-nin (Birləşmiş Millətlər Təşkilatı) Baş Assambleyası yekdilliklə Martı 21-nin Novruzu  Beynəlxalq Bayram günü kimi təsdiqləyib.

İslam Respublikasının (Cümhuriyyəti) rəhbərliyi bu Bayrama heç bir aidiyyatı olmayan Ermənistan da çağırıb.

«Panorama.am»-ın məlumatına əsasən, bu ölkənin prezidenti Serj Sarkisyan da Novruz Tehranda keçiriləcək Novruz şənliklərinə qatılacaq.

«İRNA»-nın yaydığı xəbərə görə, Tacikistan, İraq, Türkmənistan və Əfqansığan prezidentləri bu mərasimdə iştirak edəcək. Qətər dövləti varis şahzadənin, Qırğızıstan baş nazirin müavini, Oman isə xarici işlər naziri səviyyəsində bayram mərasiminə qatılacaq. 

Azərbaycan Respublikasının bu mərasmidə ölkə baş nazirinin müavini Elçin Əfəndiyevin təmsil edəcəyi gözlənilir.

Ermənistanın bu yığıncağa dəvəti başa düşünən deyil. Çünki bu bayarımın ermənilərə heç bir adiyyatı yoxdur. Düzdür, Novruzun fəlsəfəsinə görə, bu Bayramda küslülər barışar, Tanrıdan əmin-əmanlıq, ruzi-bərkət dilənərlər. Ancaq Ermənistan prezidenti ilə bu gözəl günlə bağlı bir masa arxasında oturub, Novruz kimi müqəddəs bir gün qeyd etmək heç bir məntiqə sığmır. 9 yaşlı Azərbaycanlını Novruz ərəfəsində  işğal edilmiş Azərbaycan torpaqlarındakı erməni tətikçisi tərəfindən qətlə yetirən əli qanlı bir dövlətin başçısının əli bu Bayramda heç sıxılarmı? Adi günlərdə bunu beynəlxalq ictimaiyyətin basqısı ilə etmək siyasi-diplomati sayılsa da, Novruzla bağlı törəndə heç bir azərbaycanlı belə davranmaz. Bunun başşqa səbəbləri hər kəsə bəllidir.

Deməli,bu qarışıq və dar macalda Ermənistan prezidentini ölkəyə dəvət etməkdə İran hakimiyyətinin başqa niyyəti də var. Tehran rejimi bu jestlə beynəlxalq ictimaiyyət göstərmək istəyir ki, Azərbaycan və Ermənistanın münaqişəli məsələlərinin həllində vasitəçi ola bilər. Yaxud Azərbaycanın dövlət başçısını Tehran 35 milyonluq Güney Azərbaycan türkünün qarşısında erməni ilə görüşdürüb, orada Ermənistanla İslam Respublikasının hər tərəfli əlaqələrinə etiraz edən türklərə göz dağı vurmaq istəyir.

Yeri gəlmişkən, bu günlərdə baş vermiş bir diplomatik qalmaqlaı xatırladaq.

Belə ki, martın ortalarında İranla İordaniya Haşimlər Krallığı arasında ciddi dilomatik qalmaqla baş verdi. İordaniya kralı II Abdullahın İslam Respublikasına səfərini Tehran hakimiyyəti ləğv edib.

Məlumata əsasən, onu ölkəyə İran prezidenti Mahmud Əhmədinejad dəvət edib. Bu

dəvət Tehran hakimiyyətində və deputatlar (millət vəkili) arasında narazılığa səbəb olub.

Parlamenti üzvü Həmid Rzai bu qalmaqalı belə açıqlamışdı: «Hazırkı böhranlı durumda İordaniya kralının ölkəyə dəvəti İran rəhbərəliyində dəstəklənməyib. O, 8 ay öncə bu dəvəti alıb. İndi durum dəyişib. Bir çox dövlət başçılarının ayağı altında torpaq yanır. Biz istəmirik ki, kral Abdullah bölgədə mövqeyini İran xalqının hesabına möhkəmləndirsin».

Deputatlar prezident M.Əhmədinejadı tənqid edərək, onu «zamanıda edilməyən dəvətə» görə, ölkə  Xarici İşlər Nazirliyinin əməkdaşlarını isə «İslam Respublikası ənənələrinə qarşı çıxmaqda» qınamışdılar.

Xatırladaq ki, bu səfər cari qarşıdan gələn həftə gerçəkləşməli idi. İran KİV-in (Kütləvi İnformasiya Vasitələrinin) məlumatına əsasən, İordaniya kralı son 30 ildə ilk dəfə olaraq, İrana səfər edəcəkdi.

Deputatlar çıxışlarında bəyənmədikləri İordaniya ilə İsrail arasındakı sülh müqaviləsindən danışıblar. Bu anlaşma 1994-cü ildə kral Abdullanın atası Hüseyn tərəfindən bağlanıb.

Bax, iranlı deputatların İordaniya krlanın dəvəti bağlı söylədkilərini Ermənistan prezidentinin Tehrana dəvətiinə də şamil etmək olar.

Yaxşı Azərbaycan Respublikası bu törəndə birinci şəxs qismində təmsil olunmur. Bu isə islam adı altında gizlənən hiyləgər fars siyasətinin alt-üst olması deməkdir. Sədrəddin Soltan