Türkiyə Libi sahillərinə hərbi gəmilərini göndərdi

SON XƏBƏRLƏR

Türkiyə Libi sahillərinə hərbi gəmilərini göndərdi

2021.10.20, 07:36

Gunaz.tv

GünAz TV: NATO-nun Liviyadakı (Libidəki) hərbi əməliyyatlarında dəniz hərəkatına ən böyük dəstəyi Türkiyə verəcək.

Türkiyə mətbuatının verdiyi məlumata görə, NATO-nun hərbi müdaxiləsinin tərkibində bu günə qədər 16 döyüş və 1 sualtı gəmisi əməliyyatlara dəstək vermək üçün hərəkata qoşulub.

Türkiyə tərəfindən isə dəniz əməliyyatlarına 5 müxtəlif funksiyalı (görəvli) hərbi gəmi, 1 sualtı gəmi qoşulacaq. Hərbi missiyanın (görəv, vəzifə) qərargah və nəzarət funksiyası isə İtaliya dəniz qüvvələrinə məxsus gəmidən həyata keçiriləcək. Türkiyə ilə yanaşı, dəniz əməliyyatlarında Kanada, İngiltərə, Yunanıstan, İtaliya və ABŞ-dan (Amerika Birləşmiş Ştatlarından) hər birindən 1 gəmi iştirak edəcək. Sualtı əməliyyatlarda 3 sualtı gəmi isə Türkiyə, İspaniya və İtaliyadan olacaq. Məlumatda qeyd olunub ki, NATO sözçüsü Oana Lungescu isə hava əməliyyatları ilə bağlı isə NATO-ya üzv ölkələr arasında hələ müzakirələrin aparıldığını deyib.

Türkiyə Hərbi Dəniz Qüvvələrinin komandanı Uğur Yiğit isə bildirib ki, Türkiyəyə məxsus iki gəmi artıq Liviyanın sahillərindədir, daha iki hərbi gəmi və sualtı qayığın yola düşməsi üçün hazırlıqlar tamamlanmaq üzrədir.

Türkiyənin iqtidarda olan Ədalət və İnkişaf Partiyasının parlamentdəki deputat (millət vəkili) qrupunun rəhbəri Bekir Bozdağ deyib ki, Türkiyə Silahlı Qüvvələrinin Liviyada keçirilən hərbi əməliyyatlarda iştirakını təsdiqləyən sənəd bu gün Türkiyə Böyük Mİllət Məclisində müzakirə olunacaq. Radio antenn

GUNAZ.TV

SON XƏBƏRLƏR