Contact Us

SON XƏBƏRLƏR

Eldar Sabiroğlu: "Düşmən, deyəsən, hələ də körpə qatili olmaqdan doymayıb"

2021.10.20, 07:36
Eldar Sabiroğlu: "Düşmən, deyəsən, hələ də körpə qatili olmaqdan doymayıb"

Gunaz.tv

GünAz TV: Dünən Müdafiə Nazirliyi mətbuat xidmətinin rəisi, polkovnik-leytenant (sərhəndg) Eldar Sabiroğlunun açıqlaması yayılıb.

Açıqlamada bildirilir ki, Ermənistan vəziyyəti getdikcə gərginləşdirir, hər dəfə yüksək səviyyəli görüşdən ya əvvəl, ya da sonra hansısa təxribata əl atmaqla sülh danışıqlarını pozmağa çalışır.

Bunun ənənə şəklini aldığını bildirən Sabiroğlu "Əgər xronologiyaya (ardıcıllığa) diqqət yetirmiş olsaq, dediklərimizin tam təsdiqi tapılar" deyə fikrini davam etdirib: "Prezidentlərin Soçi görüşü zamanı da eyni vəziyyətin şahidi olduq. Ermənistan silahlı qüvvələri cəbhənin 10-a yaxın istiqamətində atəşkəs rejimini pozaraq avtomat (xodkar silah) və digər iri çaplı silahlardan mövqelərimizi atəşə tutublar. Bütün bunların təsadüfi baş verdiyini düşünmək sadəlövhlük olardı". E.Sabiroğlunun sözlərinə görə, artıq son vaxtlar Ermənistan silahlı qüvvələri yaşayış məntəqələrini də mütəmadi olaraq atəş altında saxlayır və dinc əhaliyə qarşı müxtəlif silahlardan istifadə edirlər. O, buna əyani sübut kimi martın 8-də baş verən hadisəni göstərib. "Həmin gün saat 16:58-də düşmən Ağdam rayonunun işğal altındakı Şıxlar kəndi istiqamətindən snayperdən açdığı atəş nəticəsində Orta Qərvənd kənd sakini - 2002-ci il təvəllüdlü Bədəlov Fariz Arif oğlu başından yaralanıb və xəstəxanaya aparılarkən yolda dünyasını dəyişib. Bu 10 yaşlı körpə uşağın günahı nə idi? Onu nişangaha almaq üçün əmr verən erməni zabiti həmin an gözləri önünə öz övladını gətirdimi? Çətin! Onlar üçün körpə, qoca, qadın fərqi yoxdur. Xocalı faciəsində onlarca belə körpənin qatilinə çevrilmiş Seyran Ohanyan və digərləri görəsən, nə vaxt uşaqlara güllə atmaq, onları öldürmək kimi vəhşi bir fikirdən daşınacaqlar? Deyəsən, düşmən hələ də körpə qatili olmaqdan usanmayıb, doymayıb. Ancaq nə qədər çətin olsa da, Azərbaycan Silahlı Qüvvələri cəbhədə vəziyyətin kəskinləşməməsi üçün cavab atəşi açmadı. Biz mürəkkəbi hələ qurumamış vədlərə belə tezliklə xilaf çıxmamaq üçün bu addımı atmış olduq. Ancaq uşaq qatilləri bilməlidirlər ki, bu vəhşiliklər hər dəfə ağır nəticələr verir". Həftə içi

SEÇİLMİŞ XƏBƏRLƏR

Çox oxunanlar