Contact Us

SON XƏBƏRLƏR

BMT (Birləşmiş Millətlər Təşkilatı) dövlətlərinə Xocalı Məktubu göndərilib

2021.10.20, 07:36
BMT (Birləşmiş Millətlər Təşkilatı) dövlətlərinə Xocalı Məktubu göndərilib

Gunaz.tv

GünAz TV: Ölkəmizin BMT (Birləşmiş Millətlər Təşkilatı) yanında daimi nümayəndəsi, səfir Aqşin Mehdiyev Xocalı qətliamı ilə bağlı BMT-nin baş katibinə məktub ünvanlayıb.

Azərbaycanın BMT yanında Daimi Nümayəndəliyindən AzərTAc-a verilən məlumata görə, məktub BMT-yə üzv dövlətlərin nümayəndəliklərinə də göndərilib. Məktubda vurğulanır: “Keçmiş SSRİ-nin (Şurəvi) 366-cı motoatıcı alayının (hənginin) iştirakı ilə erməni silahlı birləşmələri tərəfindən törədilmiş bu qətliam onu göstərir ki, ən ağır beynəlxalq cinayətlərə görə cəzasızlığa son qoyulması təkcə fərdi cinayət məsuliyyəti baxımından deyil, həm də sülh, ədalət, barışıq və zərərçəkmişlərin hüquqları baxımından çox vacibdir”.

A.Mehdiyev qeyd edib ki, hərbi cinayətlər, insanlığa qarşı cinayətlər və soyqırımı kimi dəhşətli beynəlxalq cinayətlər Ermənistanın Azərbaycana qarşı davam edən təcavüzü nəticəsində törədilib. Şəhərin işğal olunması nəticəsində yüzlərlə azərbaycanlı, o cümlədən qadınlar, uşaqlar və yaşlı insanlar öldürülmüş, minlərlə dinc sakin yaralanmış və girov götürülüb, bir çoxu itkin düşüb, şəhər isə yerlə-yeksan olub. Məktubda bildirilir ki, Xocalıda ağlasığmaz vəhşiliklər törədilib. Hamilə qadınların başları kəsilərək süngüdən keçirilmiş, cəsədlər isə tanınmaz hala salınıb: «Bu faktlar onu sübut edir ki, Xocalı sakinlərinə qarşı törədilmiş qırğının məqsədi onları azərbaycanlı olduqları üçün məhv etmək idi. Xocalı sonrakı təcavüz, işğal və etnik təmizləmə üçün meydan kimi seçilmişdi. Ermənistan rəsmiləri azərbaycanlılara qarşı törədilmiş vəhşilikləri millətin və ölkənin müasir tarixə yolunu açan şanlı qələbə kimi qələmə verirlər. Azərbaycan hökuməti dəfələrlə qeyd etmişdir ki, Xocalı soyqırımı və Ermənistanın Azərbaycana təcavüzü nəticəsində törədilmiş digər dəhşətli cinayətlərə görə Ermənistan beynəlxalq hüquq qarşısında məsuliyyət daşımalı və bu cinayətlərin törədilməsində iştirak edənlər, onlarla əlbir olanlar fərdi cinayət məsuliyyətinə cəlb olunmalıdır».

SEÇİLMİŞ XƏBƏRLƏR

Çox oxunanlar