İranda kütləvi həbslərin sayı artır

SON XƏBƏRLƏR

İranda kütləvi həbslərin sayı artır

2021.10.20, 07:36

Gunaz.tv

GünAz TV: 2009-cu ildəki qalmaqallı prezident seçkilərindən sonra müəyyən fasilələrlə həyata keçirilən kütləvi həbs dalğaları son günlərdə daha da artıb.

İran prezidenti Mahmud Əhmədinejad Yaxın Şərqdəki kütləvi hərəkatları “ilahı proseslər” adlandırarkən çoxları tərəfindən bu kütləvi hərəkatların bir parçası kimi görünən İrandakı mitinqlərdə insanlara göz açmağa imkan verilmir.

2009-cu ildəki qalmaqallı prezident seçkilərindən sonra müəyyən fasilələrlə həyata keçirilən kütləvi həbs dalğaları son günlərdə daha da artıb. Sadəcə son iki gündə müxtəlif şəhərlərdə siyasi fəaliyyətinə görə 240 nəfər həbs olunub. Həbslərin xeyli hissəsi Tehranda həyata keçirilsə də, İsfəhan (40 nəfər), Qum və Məşhəddə (36 nəfər) kimi şəhərlər də bundan yan keçməyib. Həbs olunanlar və ciddi təzyiqə məruz qalanlar arasında çox sayda sabiq və hazırkı yüksək vəzifəli şəxslərin yaxınlarının olduğu bildirilir.

Bu arada İİR-in keçmiş xarici işlər naziri və hazırda Ali Dini Rəhbəri Ayətullah Əli Xamneinin beynəlxalq işlər üzrə baş müşaviri olan Əli Əkbər Vilayəti jurnalistlərlə görüşündə müxalifət liderləri Mirhüseyn Musəvi və Mehdi Kərrubiyə qarşı sərt bəyanat səsləndirib. Vilayəti həm onları “fitnəkar” adlandırıb, həm də “ölkədəki bütün elitanın hazırkı vəziyyətə dair mövqelərini konkretləşdirmələrini” tələb edib. Göründüyü kimi bir yandan müxalifət etirazlarını azaltmazkən, digər yandan hakimiyyət nümayəndələri daha radikal addımlar atır və daha sərt fikirlər səsləndirir. Bu isə vəziyyətin getdikcə daha da gərginləşəcəyini və həbslərin artma ehtimalının yüksək olduğunu göstərir. Araztm

GUNAZ.TV

SON XƏBƏRLƏR