Contact Us

SON XƏBƏRLƏR

Mübariz Əhmədoğlu: İnqilabın növbəti ünvanı İrandır

2021.10.20, 07:36
Mübariz Əhmədoğlu: İnqilabın növbəti ünvanı İrandır

Gunaz.tv

GünAz TV: Dünən Siyasi İnnovasiya və Texnologiyalar Mərkəzi (SİTM) fevral ayında beynəlxalq və regional (bölgəsəl) aləmdə baş verən ictimai-siyasi proseslərin ümumi yekunlarına dair hesabatını açıqlayıb.

Hesabatı təqdim edən SİTM sədri Mübariz Əhmədoğlu əvvəlcə ərəb ölkələrində baş verən inqilablardan danışıb.

   M.Əhmədoğlu bildirib ki, Şimali Afrikada baş verən inqilabi dəyişikliklər Qərbin və ABŞ-ın (Amerikan Birləşmiş Ştatları) maraqlarına tamamilə cavab verir. Onun sözlərinə görə, ərəb ölkələrində bir-birinin ardınca xalq hərəkatlarının başlanmasında İranın Livandakı (Lübnandakı) fəaliyyətinin də müəyyən təsiri var: "İranın "Hizbullah"ı yaratması, regionda (bölgədə) sürətlə aktivləşməsi (fəallaşması) proseslərin dinamikasını artırdı. İranla Misir həmişə ciddi rəqib olublar. Ərəb ölkələrində baş verən inqilablar İrana öz təsirini göstərəcəkdir. Hazırda hadisələr İrana doğru istiqamətlənib. İnqilabın növbəti ünvanının İran olacağı istisna deyildir".

 Politoloq (siyasətçi) İranın antiazərbaycan fəaliyyətini ötən ay da davam etdirdiyini deyib. SİTM sədri bildirib ki, Dağlıq Qarabağın 20 ilə yaxın bir müddət ərzində işğal altında qalmasına görə əsas məsuliyyəti İran daşıyır. M.Əhmədoğlu yenidən diqqəti Şuşanın işğalına yönəldib. Onun fikrincə, Şuşa İranın vasitəçilik missiyasının qurbanı olub:

 "İranın DQ məsələsində özünün müstəsna keyfiyyətlərini nümayiş etdirməməsinin də, onun ermənipərəstliyinin də səbəbi yalnız antiazərbaycançılıqdadır. İran-Azərbaycan qarşıdurması əbədi qarşıdurmadır. Hər iki dövlət mövcud olduqca bu qarşıdurma davam edəcək. Amma bu qarşıdurma zaman-zaman hər iki dövlətin ölçülərini dəyişmişdir. İndi, görünür, ölçülərin bizim xeyrimizə dəyişməsinin vaxtıdır. Çünki Azərbaycan Respublikası (Cümhuriyyəti) müstəqilliyini 20 il bundan əvvəl əldə etsə də, iqtisadi inkişafa cəmi 10 il bundan qabaq başlayıb. 10 il ərzində AR mühüm iqtisadi parametrlərinə, o cümlədən adambaşına düşən ÜDM-ə görə İrana çatıb".

SİTM sədri vurğulayıb ki, İranın antiazərbaycan siyasətindən ən çox bu dövlətin özü zərər görəcək: "Biz İrandan qətiyyən qorxmuruq. İranın qarşısında dayanmağa Azərbaycanın kifayət qədər resursu (mənbəsi, qaynağı) var". Şərq

SEÇİLMİŞ XƏBƏRLƏR

Çox oxunanlar