Contact Us

SON XƏBƏRLƏR

Qəddafiyə qarşı sanksiyalar rəsmiləşdi

2021.10.20, 07:36
Qəddafiyə qarşı sanksiyalar rəsmiləşdi

Gunaz.tv

GünAz TV: Liviyada (Libidə) hakimiyyət dəyişikliyi istəyən xalqa qarşı hökumət qüvvələrinin vəhşiliyi davam edir.

Dünən vəziyyəti müzakirə edən BMT-nin (Birləşmiş Millətlər Təşkilatı) Təhlükəsizlik Şurası Liviya rəhbərliyinə qarşı beynəlxalq sanksiyaların (təhrimlərin) tətbiq olunması barədə qərar qəbul edib.

APA-nın RİA Novosti agentliyinə istinadən verdiyi xəbərə görə, Təhlükəsizlik Şurasının qərarı Müəmmar Qaddafinin rejiminin əleyhdarlarını qətlə yetirməsinin qarşısını almağa yönəlib. Sanksiyalara görə, Liviya ilə silah alverinə embarqo (təhrim) qoyulub, Liviya lideri və onun ailə üzvlərinin bank hesabları dondurulub, bir neçə xarici ölkəyə daxil olmalarına qadağa qoyulub. BMT-nin Təhlükəsizlik Şurasının qərarında Beynəlxalq Məhkəmənin Liviyada dinc insanların qətlə yetirilməsi faktının araşdırması, günahkarların məsuliyyətə cəlb edilməsi ilə bağlı da müddəa var.

Liviya rəhbərliyi barədə qətnamə layihəsi Fransa, Rusiya, Almaniya və ABŞ-ın (Amerika Birləşmiş Ştatları) təşəbbüsü ilə Təhlükəsizlik Şurasına təqdim olunub.

Qeyd edək ki, 42 ildir Liviyaya rəhbərlik edən Qəddafinin hakimiyyətinə qarsı etiraz aksiyaları fevralın 15-dən davam edir. BMT-nin məlumatlarına görə, iğtişaşlar zamanı 1000-dən çox insan ölüb. Qeyri-rəsmi məlumatlara görə isə, onların sayı minlərlədir.

 

Yola saldığımız həftədə BMT baş katibi Pan Ki Mun iğtişaşların və aksiyaçılara qarşı silah tətbiq etmənin dayandırılması üçün Qəddafiyə müraciət etsə də, müraciətə əhəmiyyət verilməyib.

Bu arada məlum olub ki, Benqazi şəhərini tam ələ keçirən müxalifət keçid dövrü hökumətini formalaşdırıb. Müvəqqəti hökumətə keçmiş ədliyyə naziri Mustafa Əbdül Cəlil başçılıq edir. Hökumətin tərkibinə hərbçilər və mülki şəxslər daxildir. Hökumət 3 ay ərzində Liviyanı seçkilərə hazırlamalıdır. Mustafa Əbdül Cəlil Tripoli şəhərinin paytaxt olaraq qalacağını bildirib. O, Qəddafi əleyhdarlarını birlik və həmrəyliyi qoruyub saxlamağa çağırıb.

Hələ ki, Liviya diktatoruna sadiq qüvvələr paytaxt Tripolini (Trablos) nəzarətdə saxlayır, dinc əhaliyə qarşı ağır hərbi texnikadan belə istifadə eləməkdən çəkinmirlər. Müxalifətçilər paytaxtın 40 km-dək irəliləyiblər. Liviyanın xarici ölkələrdəki səfirləri isə Qəddafi və ailəsinin əməllərinə etiraz olaraq bir-birinin ardınca istefa verməkdədilər.

SEÇİLMİŞ XƏBƏRLƏR

Çox oxunanlar