GünAz TV: Tehran hakimiyyəti nəyin bahasına olursa, olsun atom-nüvə proqramını həyata keçirməyə çalışır.

Onu bu çabası proqramla bağlı şübhələrin də yaranmasına səbəb olur. Əgər atom layihəsi doğrudan da dinc məqsədlidirsə, o zaman beynəlxalq ictimaiyyətin belə güclü basqılarına məruz qalmağa ehtiyac varmı? Deməli, proqramın şəffaflığı təmin olunmayıb. Problem də buradadır.

«MIGnews»-un məlumatına əsasən, iranlı mühəndislər Afrikada uran yataqlarının axtarışına çıxıblar. Onların hədəflərindən biri də Zimbabvedəki mədənlərdir.

Məlumata görə, atom bombası hazırlmaq üçün İrana uran əldə etmək vacibdir. «Associated Press» jurnalistinin əldə etdiyi xüsusi xidmət orqanlarının məruzəsində bildirilib ki, böyük ehtimalla nüvə silahı əldə etmək üçün ölkənin uran ehtiyatı yetərsizdir.

Həmin sənəd görə, İranın xarici işlər naziri Ələkbər Salhi ötən ay gizli şəkildə «İslam Respublikasının (Cümhuriyyətinin) Zimbabvedən uran lamağa dair danaşıqları bərpa etmək» məqsədi ilə Zimbabve hakimiyyətinin təmsilçisi ilə görüşüb.

«İranlı mühəndislər Afrikada uran yatağını, keyfiyyət və kəmiyyətini müəyyənlişdirdikdən sonra bu danışıqlar başlayıb»-deyə, kəşfiyyat materialında bildirilib.

Mənbənin iddia etdiyinə görə, Atom Enerjisi üzrə Beynəlxalq Agentliyin (AEBA)üzvü də müsətəqil şəkildə təsdiqləyib. Onun məlumatına əsasən, Kooperasiya məsələləri üzrə məsul Abbas Cövəri Zimbabvenin paytaxtı Xararedə ölkə rəsmiləri ilə keçirdiyi görüşdə «kənd təsərrüfatı» ilə yanaşı «dağ-mədən sənayesi»nə dair məsələni də müzakirə edib.

Mənbə təsdiqləyib ki, İranın uran əldə etməməsi üçün beynəlxalq təzyiqlər güclənir. Xarici işlər naziri Salehinin səfəri də buna xidmət edib. İslam Respublikasının bu istiqamətdə fəaliyyət göstərən «casusları» uran axtarışı ilə bağlı Afrika, Asiya və Cənubi Amerikanın 10 artıq ölkəsini əhatə edir.

«Kşfiyyat məlumatlarına əsasən, İranın özündə uran ehtiyatı məhduddur. Mövcud olan da isə çox az miqdarda uran var. Bu da sərəfli deyil»-deyə, nüvə silahının yayılmaması üzrə ABŞ (Amerika Birləşmiş Ştatları) dövlət katib köməkçisinin keçmiş müavini, hazırda London Beynəlxalq Strateji Araşdırma İnstitutunun bölmə başçısı Mark Fitspatrik qeyd edib.

Onun sözlərinə görə, hazırda İranın 20-30 nüvə başlığı haırlamağa üçün uranı var : «Hərbi əməliyyatlar və ya sabotajlar zamanı bu ehtiyat məhv edilərsə, o zaman nüvə proqramını bərpa etmək üçün İran çox ciddi əngəllərlə üzləşəcək.Elə bu strateji  səbəbdən də onların əlavə uran tədarükü mənbəsi axtarması təəccüblü deyil.»

Bir müddə öncə yayılmış xəbərdə bildirilirdi ki,  nüvə prorqamı və hərbi sənayesini inkişaf etdirmək üçün Tehran hakimiyyəti dünyanın hər yerindən mütəxəssisləri «ovlamaq» üçün onlara yüksək məbləğdə maaş vəd edir.

İslam Respublikasının Oslodakı keçmiş konsulu Məhəmmədrza Heydəri də demişdi ki, Tehran əsas diqqəti şimali koreyalı alim və mühəndislərə yönlədir. Onun sözlərinə görə, Afrika dövlətlərindəki yüksək ixtisaslı mütəxəssislərdə diqqətdən yayınmır.

İranın «şikarları» Qərb dövlətləri universitetlərinin məzunu olan alim və mühəndislərdir.

2007-ci ildə Qərb dövlətlərindən birində sığınacaq almış M.Heydəri daha sonra bildirmişdi : «Şimali Koreyanı təmsil edənlər əsasən iki istiqamətdə fəaliyyət gösətərir.Birincisi, nüvə bombası yaratmaq, ikincisi, İran üçün daha uzaqdakı hədəfi vura biləcək radiusda ballistik raketlər hazırlamaq».

Keçmiş diplomatın sözlərinə görə, Tehran atom-nüvə proqramının dinc xarakterli olduğunu «desə də əslində bütün gücü ilə nüvə silahı və onun daha səmərəli daşınması üçün vasitə hazırlayır».

İranın nüvə obyektlərini İsrailin vuracağı ehtimalı da gündəlikdən düşmür.  «Haaretz»-in yazdığına əsasən, Yaxın Şərqdə baş verənlərlə bağlı nüvə proqramına görəTehran hakimiyyətinə «möhlət verilməyib».

Aluf Benin məqaləsində bildirib : «İndiki şəraitdə İranın nüvə obyektlərinə İsrailin qabaqlayıcı zərblərə endirməsi ağlabatan görünmür. Bu aldadıcı olsa da, gerçəklikdən uzaq nikbinlikdir. Biz hələ hələ udmamışıq. Tehrana münasibətdə hərbi variant istisna deyil. İsrailin zərbəsi iranlı ailm və mühəndislərin bildiklərini məhv edə bilməz. Ancaq təcrübə sübut edib ki, nüvə obyektləri (təsisatı) dağıdıldıqdan sonra onlar çətinliklə bərpa olunur»-deyə, o, İraq və Suriyadakı uyğun bombardmanları örnək göstərib.

Onun fikrincə, İranın bombalanması nəticəsində İsraildə də yaşayış məntəqələri və ticarət mərkəzlərinin əks –hücumla dağıdılması mümkündür. «İranın bobamlanması tərəfdarları buna qarşı çıxmır.

Qışda savaşmırlar… Yaz gəlir, onun ardınca yaydır. Knessetə (İsrail parlamentinə-S.S.) seçkilər yaxınlaşır. 1981-ci ildə Menahem Begin (İsrailin keçmiş baş naziri-S.S.) seçki ərəfəsində İraqın bombalnması əmrini verdi. Bununla da hərbi əməliyyatlara qarşı çıxan rəqibi Şimon Peresi (İsrailin indiki prezidenti-S.S.) qabaqladı. Odur ki, uğurlu  zərbə «Likud» və «Atsmaut»un (İsraildə hakim partiyalar-S.S.)  hakimiyyət qalmasına yardım edə bilər»...

Sədrəddin Soltan