Diaspor fəalı Zaur Bayramlı Ankara Bələdiyyə Başqanından gileylənib (Müsahibə)

SON XƏBƏRLƏR

Diaspor fəalı Zaur Bayramlı Ankara Bələdiyyə Başqanından gileylənib (Müsahibə)

2021.10.20, 07:36

Gunaz.tv

GünAz TV mətbuat mərkəzinin növbəti müsahibi Türkiyədə yaşayan tanınmış diaspor fəalı, anayurd qəzetinin və habermedyaturk saytının köşə yazarı Zaur Bayramlıdır.

Dünən Ankara Şəhər Bələdiyyə Başqanı Melih Gökçek tərəfindən Xocalı faciəsi ilə bağlı Ankaranın mərkəzi olan Qızılay meydanında faciəni əks etdirən foto sərginin təşkil edilməsinə və imza toplama kampaniyası ilə bağlı tədbirin keçirilməsinə icazə verilməyib. Tədbirin hazırlanması ilə məşğul olan Türkiyədə yaşayan tanınmış diaspor fəalı, anayurd qəzetinin və habermedyaturk saytının köşə yazarı Zaur Bayramlı GünAz TV mətbuat mərkəzinə müsahibə verib.

- Zaur bəy, Ankaranın bələdiyyə başqanı Melih Gökçe hansı səbəblərə görə sərginin keçirilməsinə icazə vermədi?

- Məncə, bu sualı Ankaranın Bələdiyyə Başqanı Melih Gökçenin özünə vermək daha doğru olardı. Amma şəxsən mənim fikrimi bilmək istəsəniz, adını çəkdiyiniz şəxs türk dünyasından uzaq, türkçülük məsələlərinə biganə bir insan olduğundan, bu addımı atmağa məcbur olub. Əslində, damarlarında türk qanı axan hər bir insan türk dünyasının bütün dərdlərinə, o cümlədən də Xocalı faciəsinə həssas yanaşmalıdır. Məncə, problemin kökünü böyük öndər Atatürk demişkən: ”İnsanların damarlarında axan əsil qanda axtarmaq lazımdır”.

O ki, qaldı bunların bəhanəsinə guya ki, həmin yerlərdə Ankara bələdiyyəsinin öz tədbirlərindən başqa, hər hansı bir tədbirin keçirilməsi qadağandır. Əslində, bu, ağ yalandır. İyirmi gün bundan əvvəl fələstinlə bağlı sərgi keçirilmişdir. Demək ki, ortaya belə nəticə çıxır: Bəziləri müsəlmanlıq məsələsinə daha diqqətçildir, nəinki türklük məsələlərində. Amma nəzərə almaq lazımdır ki, orada öldürülən insanlar müsəlman idi, özü də vəhşicəsinə öldürülən məsum insanlar idi. Xocalı bir bəşəri faciədir və insanlığın qətl edildiyi gündür.

- Sizcə, bu icazənin verilməməsi əsas ola bilərmi?

- Əsla, bu amil səbəb ola bilməz. Hətta bələdiyyənin o sərgi yerlərində başqa tədbirlərin keçirilməməsi ilə bağlı qərarı olsa belə, hər halda hər şeyin bir istisnası vardır. Kardinal Rişölye deyirdi ki: "Əgər qanunlar mənim mənafeyimə uyğun gəlmirsə, mən onları öz mənafeyimə uyğun hala sala bilərəm". Özü də bu gün Ankara bələdiyyəsi qanunlara yüz faiz riayyət edən bələdiyyə kimi də tanınmır.

Xocalı bütün Türk dünyasının dərdidir. Bundan başqa da Xocalı məsələsi hər addımda saxta soyqırım iddiaları ilə, Türkiyənin qarşısına çıxan ermənilərə qarşı istifadə etmək üçün Türkiyənin əlində ciddi bir əsas ola bilər. Türkiyə Xocalı faciəsi ilə bağlı və orada yaşayan faktlarla erməniləri müdafiə edən dövlətləri fakt qarşısında qoya və bu da erməni diasporunun təbliğatına zərbə vura bilər.

- Bu addım Türkiyə ictimaiyyəti tərəfindən necə qarşılanıb?

- Hələ bizə gələn mənfi cavabı, Türkiyə ictimaiyyəti ilə geniş çərçivədə paylaşmamışıq. Mən özüm habermedyaturk.com saytında bələdiyyə başqanını tənqid edici köşə yazısı yazdım. Ən yaxın günlərdə bu məsələ ilə bağlı mətbuat konfransımız olacaq və ya da ki, Ankara bələdiyyəsinin qarşısında etiraz aksiyası keçirəcəyik.

Söhbətləşdi: Elnur Eltürk

GUNAZ.TV

SON XƏBƏRLƏR