Misirdə Anayasa dayandırıldı, parlament buraxıldı

SON XƏBƏRLƏR

Misirdə Anayasa dayandırıldı, parlament buraxıldı

2021.10.20, 07:36

Gunaz.tv

GünAz TV: Hakimiyyəti ələ aldıqdan iki gün sonra Misir hərbiyyəsi bəyan edib ki, konstitusiya (Anayasa) dayandırılır və ölkə parlamenti buraxılır.

Dövlət mediyası bildirir ki, Ali Hərbi Şura hakimiyyətdə altı ay və ya seçkilərədək qala bilər.

Konstitusiyanın yeni mətninin yazılması üçün xüsusi komitə yaradılır.

Bu olduqca mühüm addım sayılır, çünki köhnə konstitusiya bir sıra partiayaları seçkilərdən təcrid edib.

BBC-nin Qahirə müxbiri bildirir ki, bu elanlar etirazçıların ən inadkarlarını da sakitləşdirə bilər.

Bu arada Misir inqilabını ərsəyə gətirmiş Təhrir meydanında izdiham tədricən səngiyir.

Buna baxmayaraq Qahirənin bu baş meydanına axışanlar da var.

Dünən meydandakı çadırların sökülməsinə başlayan əsgərlərlə bəzi etirazçılar arasında kiçik toqquşmalar da olub.

Bununla belə Təhrir meydanı tədricən öz normal vəziyyətinə qayıdır və meydan boyunca avtomobillərin hərəkəti bərpa olunur.

Nümayişçilərdən biri deyir ki, o, Təhrir meydanından heç yerə getmək fikrində deyil:

"Hərbçilər adamları meydandan çıxarmağa çalışdılar, - deyir etirazçı, - Lakin biz çıxmadıq, çünki hələ suallarımız var. Lakin hərbçilər yaxşı adamlardır. Onlar Misir xalqını incitməzlər. Onlar bizdəndirlər, biz də onlardan”.

Bu arada Qərbin başlıca narahatlığı Misir hadisələrinin Yaxın Şərqdə yarada biləcyi problemlərdəndir. Əsas narahatlıq İsrail və Misir arasında olan müqavilənin taleyidir. Məhz buna görə də hazırda Misirə nəzarət edən hərbi şura bildirib ki, bu mühüm sənədə toxunulmayacaq.

Bununla belə, İsraili narahat edən həmçinin Misirdə kimin mülki hakimiyyətə gələcəyidir.

İsrailin Qahirədəki keçmiş səfiri Eli Şaked BBC-nin WORLD TODAY proqramına bildirib ki, o, Misir müxalifətinin pərakəndəliyindən narahatdır.

“Onlar Mübarəki və onun rejimini deviriblər, lakin alternativləri yoxdur, - deyib cənab Shaked, - Odur ki, meydanı Müsəlman Qardaşlığı zəbt edə bilər. Onların strukturu (sazmanları), liderliyi və təşkilatlanması var, onlar xalq arasında populyardırlar. Onlar bu mənada yeganədirlər. Lakin Miosir cəmiyyətinin öz müxalifəti o qədər də ümidverən deyil.

Keçmiş İsrail səfiri sözünə belə davam edib:

“Biz küçədəki adamın ambisiyalarını bilirik. Bu hər yerdə eynidir. İstər Suriyada olsun, istər Misirdə, istərsə də Qərb Sahilində…Lakin axırda hər şey onunla bitir ki, tiranlıq (zülm və sitəm) və ya bir demokratik cəmiyyət müsəlman partiyası və ya hərəkatı başda olmaqla başqa qeyri-demokratik rejimlə əvəz olunur. Biz və Qərb isə bundan narahatıq. Çünki yeni despotlar bizimlə düşmənçilik yolunu seçə bilərlər. Heç olmasa Mübarək bizə dostcasına yanaşırdı”.

Bu arada prezident Obama Misirdə yaranmış vəziyyəti Türkiyənin baş naziri Recep Tayyib Erdoğanla telefonda müzakirə edib.

Türkiyənin qərbindəki Sakaryada çıxış edən baş nazir deyib ki, Misirdə hadisələrin sürətlə inkişaf etdirilməsi lazımdır. BBC

GUNAZ.TV

SON XƏBƏRLƏR