GünAz TV mətbuat mərkəzinin növbəti müsahibi hazırda İsveçrədə yaşayan tarixçi-politoloq Elxan Həsənlidir.

Cenevrədə qondarma “erməni soyqırımı” abidəsi peyda ola bilər. Bu haqda məlumatı Ermənistanın İsveçrədəki səfiri Şarl Aznavur verib. Mövzu ətrafında söhbət etmək üçün hal-hazırda İsveçrədə yaşayan tarixçi-politoloq Elxan Həsənliyə müraciət etdik.

- Elxan bəy, erməni diplomat açıqlamasında abidənin qoyuluşuna üçün, hətta Cenevrə şəhər höküməti də yardım etdiyini bildirib. Sizcə, İsveçrə qanunları belə abidələrin gerçəkləşməsi üçün şəhər hökümətinə səlahiyyət verirmi?

- İsveçrədə fəaliyyət göstərən erməni diasporu cox güclüdür. Şarl Aznavurun bu ölkəyə səfir təyin olunması da Ermənistanın bu ölkəylə bağlı planlarından xəbər verir. Qondarma genosidlə (soyqırım) bağlı İsveçrədə ikili yanaşma var: Ölkə parlamenti qondarma soyqırımı tanıyıb, ancaq hökumət onu tanımaqdan imtina edir və fikrini bununla arqumentləşdirir (əsaslandırır) ki, "bu məsələ tarixçilərin işidir". Bu baryeri aşmaq üçün son dövrlərdə ermənilər ciddi işlər görürlər.  Aznavurun da əsas fəaliyyəti İsveçrə hökumətini qondarma soyqırımı tanımağa məcbur etməkdir.

- Axı, nəzərə almaq lazımdır ki, İsveçrə bitərəf dövlətdir...

- İsveçrədə birbaşa demokratiya mövcuddur. Bu ölkədə hər hansı məsələni referenduma çıxarmaq ücün 50 min vətəndaşın imzası yetərlidir. Qondarma soyqırımın parlament tərəfindən tanınması da türk diasporunun passivliyinin nəticəsində baş tutub. Türk diasporu demək olar ki, seçkilərə də qatılmır, daha çox mədəniyyəy tədbirləriylə məşğuldur.

Bu üzdən də azsaylı erməni diasporu üstünlüyü ələ alır.

Abidənin qoyulmasına gəlincə, bu məsələdə Aznavur yalan danışır. Ola bilsin gələcəkdə Cenevrə şəhər hökuməti abidənin qoyuluşuna yardım etsin, ancaq hələlik belə bir qərar yoxdur. Erməni diasporunun bu maliyyəyə ehtiyacı da yoxdur, sadəcə İsveçrə hökumətinin onlarla birgə olduğunu nümayiş etdirmək istəyir. Bu cür tədbirlərin maliyyələşdirilməsi yalnız şəhər parlamentinin razılığı ilə ola bilər. Belə bir razılıq isə yoxdur. Şəhər hökumətinə bağlı olan hansısa fondlar bu abidənin goyuluşunda iştirak edə bilər, ancaq İsveçrə hökumətinin mövqeyi bəllidir və onun dəyişməsi inandırıcı görünmür. Hökumət Türkiyə ilə münasibətləri yaxşılaşdırmağa calışır və siyasi partiyalar ölkədə yaşayan 100 mindən cox türk əsilli vətəndaşları qarşılarına almazlar.- Bu məsələ ilə bağlı İsveçrədə fəaliyyət göstərən Azərbaycan-türk diasporu etiraz askiyası keçirə bilərmi?

- Ermənilərin bu cür planlarında qarşı, eləcə də Qarabağla, erməni soyqırımıyla bağlı həqiqətlərin dünya ictimaiyyətinə catdırılması istiqamətində ciddi işlər görülüb. Mitinq və küçə taktikası Avropada az effekt (təsir) verir. İnsanlar daha cox faktlara, elmi məqalələrə, tutarlı arqumentlərə inanır. Bu istiqamətdə əsas fəaliyyətimizi Qarabağ həqiqətlərinin ölkənin tanınmış qəzetlərində yayılmasına yönəldirik. Ötən ilin sonları bu baxımdan cox uğurlu oldu. İsveçrəli jurnalist Andre Vidmerin Qarabağa səfəri zamanı hazırladığı reportajları (quzarişləri)  ölkənin ən tirajlı qəzetlərində yaya bildik. Ermənilərin Ağdamı yerlə-yeksan etmələri İsveçrə cəmiyyətini şoka salıb. XX ci əsrin vandalizmi kimi tarixə düşmüş hadisələr ermənilərin "soyqırım təbliğatına" ciddi zərbə vurub. İsveçrəlilər artıq anlayıblar ki, Azərbaycan ermənilərin qondarma soyqırım siyasətinin qurbanıdır və bu yolda ən çirkin yollardan istifadə edirlər. Artıq ölkə ictimaiyyəti riyakar erməni təbliğatına inanmır. Tutarlı faktlarla bunu sübut edə bildik və bundan sonra da davamlı olaraq, bu cür faktların İsveçrə ictimaiyyətinə catdırılmasına çalışırıq. Tarixi forumların yaradılması, internet sitələrin qurulması, televiziya və digər kütləvi informasiya vasitələriylə sıx əlaqələrin qurulması əsas hədəfimizdir. Çalışırıq Qarabağ həqiqətləri haqqında elmi araşdırmalar aparaq, hələlik imkanlarımız xaricindədir. Ancaq yaxın vaxtlarda bu işin də öhdəsindən gələcəyik.Bütün bu işləri yalnız öz hesabımıza görürük və Azərbaycan hökumətindən də heç bir kömək gözləmirik. Bu, bizim vətəndaş borcumuzdur.

Söhbətləşdi: Elnur Eltürk