Mübarək yenedə istefa vermədi

SON XƏBƏRLƏR

Mübarək yenedə istefa vermədi

2021.10.20, 07:36

Gunaz.tv

GünAz TV: Misir prezidenti Hüsnü Mübarək gözləntilərə əks olaraq hakimiyyətdən getməyəcəyini israr edib. Televiziya ilə çıxışında Mübarək israr edib ki, sentyabrda xələfi seçilənə qədər hakimiyyətdə qalacaq.

"Mən konstitusiyanın (Ana yasa) və millətin qorunması üzrə məsuliyyətin yükünü hakimiyyət azad və ədalətli seçkilərdə seçicilərin seçdiyi şəxsə ötürənə qədər çiyinlərimdə daşıyacağam."

Onun dedikləri bundan əvvəl onun dərhal istefa verəcəyi barədə xəbərlərə zidd olub. Prezident Mübarək deyib ki, bəzi səlahiyyətlərini vitse-prezident (prezident müavini) və kəşfiyyat xidmətinin rəhbəri Ömər Süleymana ötürəcək. Lakin təfərrüatlar aydın deyil. Misirin Vaşinqtondakı səfirliyi deyib ki, dəyişikliklər Süleymanın de-fakto prezident olması deməkdir.

Vitse-prezident Süleymanın özü bildirib ki, prezident Mübarək ona ölkədə təhlükəsizlik və sabitliyi qorumaq səlahiyyətini həvalə edib. O deyib ki, hakimiyyətin konstitusiyaya (Ana yasa) uyğun olaraq dinc yolla ötürülməsini təmin etmək və, təbirincə, xalq inqilabını qorumaq üçün əlindən gələni etməyə hazırdır.

Süleyman etiraz edənləri təbliğata qulaq asmamağa və vətənpərvərlik nümayiş etdirməyə səsləyib:

"Misir gəncləri və onun qəhrəmanları. Evinizə qayıdın, işinizə qayıdın. Xalq sizin qollarınızın gücünə və yaradıcılığına arxalanır. Peyk kanallarının tendensiyalı verilişlərinə qulaq asmayın. Onların yeganə məqsədi Misiri zəiflətmək və onun imicini məhv etməkdir. Yalnız öz vicdanınızın səsinə qulaq asın, ətrafdakı təhlükələrdən agah olun."

Mübarəkin çıxışına reaksiya verən prezident Obama deyib ki, elan edilmiş islahatların dərhal baş verəcəyi, mənalı və qənaətbəxş olacağı məlum olmadı. O dedi ki, Misir hökuməti hələ demokratiyaya aparan etibarlı, konkret və birmənalı yolu müəyyən etməyib. İsrailin müdafiə naziri Ehud Barak deyib ki, Misir xalqı öz taleyini özü həll etməlidir. Fransa prezidenti Nikola Sarkozi bildirib ki, Misir diktaturanın başqa bir formasından yan keçməlidir. O deyib ki, prezident Mübarəkin hakimiyyətdən getməsi labüddür.

Təhrir meydanının özündə prezident Mübarəkin nitqi böyük qəzəbə səbəb olub. Etiraz edənlər "Rədd olsun Mübarək" şüarı deyərək, ayaqqabılarını nifrətlə yelləyiblər. Bundan əvvəl mitinqdə bayram əhval-ruhiyyəsi var idi. Çoxları prezidentin istefa verəcəyini gözləyirdi. Beləki ordu rəhbərlərindən biri onlara tələblərinin yerinə yetirildiyini xəbər vermişdi. Müxalifət liderlərindən biri Məhəmməd ElBaradey ordunu xalqı xilas etməyə səsləyib. O xəbərdarlıq edib ki, Misir partlamaq üzrədir.

Bu arada Təhrir meydanından bir çox adamın prezident sarayı və televiziya studiyasına doğru yürüş etməyə başladığı xəbər verilir.

GUNAZ.TV

SON XƏBƏRLƏR