Misir prezidenti Hüsni Mübarəkin ailəsinin var-dövləti çək-çevir edilir

SON XƏBƏRLƏR

Misir prezidenti Hüsni Mübarəkin ailəsinin var-dövləti çək-çevir edilir

2021.10.20, 07:36

Gunaz.tv

GünAz TV: Misir prezidenti Hüsni Mübarək və onun ailəsi, müxtəlif məlumatlara görə, Mübarəkin 30 illik hakimiyyəti dövrü müddətində zəngin var-dövlətə malik ola biliblər.

Lakin BBC-nin müxbiri Mark Qreqorinin dediyinə görə, onların əslində nə dərəcədə zəngin olduqları aydın deyil.

Amerikanın ABC televiziya kanalı Hüsni Mübarəkin 70 milyard dollarlıq var-dövlətə malik olduğunu iddia edən bir reportaj (qozariş) yayımlayıb.

Onun mümkün var-dövlətini əks etdirən bu rəqəm dünyanın digər informasiya vasitələri tərəfindən bu telekanalın məlumatlarından götürülüb təkrarlanıb.

Lakin bəzi təhlilçilər hesab edirlər ki, bu rəqəm şişirdilib. Əgər doğrudan da Mübarəklər ailəsinin 70 milyard dollarlıq var-dövləti varsa, onda onlar Meksikalı oliqarx Karlos Slim üstəgəl Microsoft şirkətinin rəhbəri Bill Qeytsdən da varlı olmalıdırlar.

Forbs jurnalının keçən ilki reytinqinə görə, Karlos Slim və Bill Qeyts planetin ən zəngin admlarıdır, və onların hər biri təqribən 35 milyard dollarlıq var-dövlətə malikdir. Mübarəklər ailəsinin bu cür yüksək, necə deyərlər, liqaya daxil olması inandırıcı görsənmir.

Amma buna baxmayaraq, onların çox zəngin olduqlarını guman etmək olar. Belə hesab olunur ki, Mübarəklər ailəsinin Manhəttən, Beverli Hills, Kaliforniya və Londonun bahalı Belqraviya rayonunda əmlakları var.

Bəzi xəbərlərə görə, Mübarəklərin Britaniya və İsveçrə banklarında iri həcmdə nağd pulları da var. Deyilənə görə, Mübarək ailəsi Qırmızı Dəniz zonasındakı mehmanxana və turizm biznesinə külli miqdarda yatırımlar edib.

Bu da tamamilə mümkündür ki, prezident Hüsni Mübarək Yaxın Şərqin ən çox əhaliyə malik olan ölkəsinin ən qüdrətli şəxsi kimi var-dövlət qazanmaq üçün çoxlu sayda imkanlara malik olub.

Hüsni Mübarəkin oğulları Cəmal və Aləə Misirin biznesmenlər zümrəsinin ən əhəmiyyətli şəxsləridir və etiraz nümayişləri başlanana qədər Cəmal haqqında Misirin gələcək prezidenti kimi danışırdılar.

Hələlik Mübarək ailəsinin var-dövləti barədə təfsilatlar səthi və təsdiq olunmamışdır. Lakin Mübarəklər ailəsinin üzvləri tayfa kapitalizminin rəmzləri kimi hakimiyyətə yaxınlıqlarından şəxsi varlanma üçün istifadə etmiş Filippinin keçmiş rəhbəri Markos və İndoneziyanın başçısı Suhartonun aqibətinə düçar olasalar bundan çox az adam təəccüblənər. BBC

GUNAZ.TV

SON XƏBƏRLƏR