Misirdə gərginlik davam edir

SON XƏBƏRLƏR

Misirdə gərginlik davam edir

2021.10.20, 07:36

Gunaz.tv

GünAz TV :Bu səhər Qahirənin Təhrir meydanında prezident Hüsnü Mübarək tərəfdarları və əleyhdarları arasında baş verən silahlı qarşıdurmada ölənlərin sayı 5 nəfərə çatıb. Ümumilikdə isə 2 gün ərzində ölənlərin sayı 8 nəfər olub.

Lent.az-ın “ƏL-Cəzirə” telekanalına istinadən verdiyi məlumata görə, yüzlərlə yaralı var.

ABŞ-ın (Amerika Birləşmiş Ştatları) dövlət katibi Hillari Klinton Misirin vitse-prezidenti (president müavini) Ömər Süleymana zəng edib, Hüsnü Mübarək tərəfdarları və əleyhdarları arasında baş verən olayların hər kəsi şoka saldığını söyləyib. Hillari Klinton bu olaya görə məsuliyyət daşıyanların tapılması üçün araşdırılma aparılmasını istəyib. Vaşinqtonun artıq Hüsnü Mübarəkin tezliklə hakimiyyətdən getməsini istədiyi də məlum olub. Hillari Klinton Misirdə keçid dövrünün dərhal başlamasını zəruri sayıb. Ağ Evin sözçüsü Robert Gibbs də deyib ki, demokratiyaya yönəlik dəyişiklik dərhal həyata keçirilməlidir. Fransa prezidenti Nikolas Sarkozi də analoji bəyanat verib.

Xatırladaq ki, Türkiyənin baş naziri Rəcəb Tayyib Ərdoğan da Hüsnü Mübarəki hakimiyyətdən əl çəkməyə çağırıb.

Misir Xarici İşlər Nazirliyinin sözçüsü Hüsam Zeki isə bu çağırışlara sərt cavab verib. O, Misirdə hakimiyyət dəyişikliyi ilə bağlı məsələni qəbul etmədiklərini, bu çağırışların Misirdəki olayları qızışdırmağa yönəldiyini vurğulayıb: “ABŞ, İngiltərə, Fransa kimi Qərb ölkələrinin, hətta Türkiyənin bu durumda rol oynamağa çalışması, Misirdəki proseslərə burunlarını soxması çox üzücüdür. Bu dövlətlər öz işləri ilə məşğul olsunlar. Bu ölkələrin bütün sərhədləri keçərək Misir xalqı adından danışmaları Misir xalqı və hökuməti tərəfindən rədd edilir”.

GUNAZ.TV

SON XƏBƏRLƏR