Milli Məclisdə İranın müdaxiləsinə etiraz bildirilib

SON XƏBƏRLƏR

Milli Məclisdə İranın müdaxiləsinə etiraz bildirilib

2021.10.20, 07:36

Gunaz.tv

GünAzTv: Parlamentin bugünkü iclasında millət vəkilləri son vaxtlar İranın Azərbaycana qarşı apardığı təbliğata etiraz ediblər.

GünAzTv mətbuat mərkəzinin Lent.az-a istinadən yaydığı məlumata görə, plenar iclasda çıxış edən deputatların (millət vəkilləri) əksəriyyəti İranı Azərbaycana qarşı haqsız və qərəzli mövqe nümayiş etdirməkdə ittiham edib.

Millət vəkili Azay Quliyev deyib ki, İranın bu ikiüzlü siyasətinə qarşı Milli Məclis səviyyəsində rəsmi etiraz olunmalıdır. Onun sözlərinə görə, Milli Məclis bu məsələyə açıq və konkret münasibət bildirməlidir.

Deputat Zahid Oruc isə İrandan Azərbaycana vizasız gediş-gəlişə etiraz edib. O qeyd edib ki, Azərbaycan vətəndaşlarının İrana gedib-gəlməsi indiki halda ölkənin ziyanınadır. Z. Orucun sözlərinə görə, vizasız gediş-gəliş narkotikin (Məvadde moxədder) Azərbaycana ixracının artmasına səbəb olur: “Deputatlar İranın bu siyasətinə qarşı ideoloji təbliğat aparmalıdır”.

Digər millət vəkili Mübariz Qurbanlı İranın həm “Səhər-2” televiziyası vasitəsilə, həm də rəsmi dövlət rəhbərlərinin Azərbaycana qarşı qərəzli mövqe nümayiş etdirməsini İran-Azərbaycan işçi qrupu vasitəsilə İran tərəfinə çatdırılmasını təklif edib. O bildirib ki, Milli Məclis İranın bu siyasətinə qarşı rəsmi etirazını bildirməlidir.

GUNAZ.TV

SON XƏBƏRLƏR