Contact Us

SON XƏBƏRLƏR

Ayətullah Bayat Zəncanidən Səid Mətinpur və onun ailəsinə mənəvi dəstək

2021.10.20, 07:36
Ayətullah Bayat Zəncanidən Səid Mətinpur və onun ailəsinə mənəvi dəstək

Gunaz.tv

GünAzTv: Ayətullah Bayat Zəncani hazırda Evin zindanında həbsdə saxlanılan azərbaycanlı insan haqları müdafiəçisi və jurnalist cənab Səid Mətinpurun ailəsinə zəng edib.

2011-ci il yanvar ayının 28-də (Bəhmən ayının 8-i) baş tutan telefon əlaqəsində Ayətullah Bayat Zəncani cənab Səid Mətinpurun son vəziyyətindən xəbər tutub.

 

Telelefon bağlantısında Səid bəyin həyat yoldaşı xanım Ətiyyə Tahiri cənab Mətinpurun Evin zindanının 350-ci bölməsindəki (bənd) məhbus həyatından danışıb və lazımlı məlumatı verib və Ayətullahdan mənəvi dəstəyinə görə təşəkkür edib.

 

Ayətullah Zəncani isə cənab Mətinpura sağlamlıq və azadlıq arzulayıb və onun qohumlarından istəyib ki, ALLAHa təvəkkül etsinlər və çətinliklər qarşısında səbir göstərsinlər.

 

Qeyd edək ki, cənab Mətinpur 19 aydır ki, zindandadır. Onun barəsində 8 illik həbsə dair məhkəmə qərarı çıxarılıb.

 

Xatırladaq ki, Ayətullah Zəncani bundan öncədə Qarabağın azad edilməsinə bütün müsəlman ölkələrinin yardımcı olmasını dilə gətirən, Azərbaycan dil və mədəniyyətinin əhəmiyyətini vurğulayan din xadimlərindən biridir.

SEÇİLMİŞ XƏBƏRLƏR

Çox oxunanlar