Contact Us

SON XƏBƏRLƏR

İranı Çernobıl qəzası gözləyir

2021.10.20, 07:36
İranı Çernobıl qəzası gözləyir

Gunaz.tv

GünAzTv: Buşehrdə Atom Stansiyasına düşən viruslar bütün Yaxın Şərqi təhlükə altında qoyub. Sızma baş versə, Azərbaycan da zəhərlənmə bölgəsinə düşəcək.

Rusiya və ərəb ölkələri əmindir ki, Stuxnet virusu Buşehrdə AES-ə zərbə vuracaq, bu barədə Mauritsio Molinari La Stampa qəzetində dərc edilmiş məqalədə yazır. «Rusiya və Fars körfəzi əmirlikləri ikinci Çernobıl qəzasının baş verəcəyindən ehtiyat edirlər və Buşehrdə Stuxnet virusunun təsiri nəticəsində ziyan dəymiş reaktorun yoxlanılmasına icazə verilməsi üçün Tehrana təzyiq göstərir.

Fars körfəzində 1986-cı ildə Ukraynada baş verən qəzaya bənzər atom qəzası təhlükəsi barədə Rusiyanın NATO-dakı nümayəndəsi Dmitri Roqozin bildirib. O, Rusiya mütəxəssisləri tərəfindən tikilmiş atom obyektində real şəraitin müəyyən edilməsi məqsədilə Rusiya və NATO tərəfindən birgə yoxlama aparılmasını təklif edir», deyə qəzet yazır.

GünAzTv mətbuat mərkəzinin “Bizim yol”-a istinadən yaydığı məlumata görə, Tehran virusun vurduğu ziyanı layiqincə qiymətləndirməyərək, Buşehrdəki mərkəzin istismarına başlamağı qərara ala bilər ki, bu da bütün Yaxın Şərqin radioaktiv zəhərlənmə zonasına düşməsi ilə nəticələnən qəzaya gətirib çıxara bilər. Stuxnet virusu İranın nüvə obyektlərinə bir neçə ay əvvəl ziyan vurub və çox güman ki, ABŞ (Amerika Birləşmiş Ştatları) və İsrailin superməxfi kibernetik bölmələri tərəfindən, Böyük Britaniya, Fransa və Almaniyanın iştirakı ilə işlənib hazırlanıb.

İran İslam Respublikasının ali lideri Əli Xameneyi beynəlxalq ictimaiyyətin «vəziyyətin tam nəzarət altında olduğuna» inandırmaq üçün MAQATE (Ajanse enerjiye atomi) yoxlamalarının əleyhinə çıxıb. Mədəniyyət naziri Muhəmməd Hüseyniyə Stuxnet-in ciddi ziyan vurduğunu inkar etmək məqsədilə həyata keçirilən kampaniyanı koordinasiya (sazmandehi) etmək taplışırılıb. Xameneyi öz nazirlərinə izah edib ki, qarşıda iki prioritet (öncəlik) vəzifə durur: Buşehr mərkəzinin işə salınmasının gecikdirilməsinə yol verməmək və mülki əhali arasında mümkün nüvə qəzaları ilə bağlı panika yayılmasının qarşısını almaq, - deyə məqalədə bildirilir.

Qeyd edək ki, Buşehrdə ciddi qəza olarsa, bütün körfəz ölkələri və İranla qonşu ölkələrə ziyan dəyə bilər. Azərbaycanla arasındakı məsafənin böyük olmasına (təxminən 1000 km) baxmayaraq, Azərbaycan ərazisinə də nüvə qalıqları düşə bilər.

Xatırladaq ki, 1986-cı ildə Çernobıl AES-də baş vermiş qəzadan sonra Avropanın yarısı və SSRİ-nin (Şörəvi) Avropa hissəsində yerləşən əksər ölkələr, o cümlədən Cənubi Qafqaz regionu radioaktiv zəhərlənməyə məruz qalmışdır.

SEÇİLMİŞ XƏBƏRLƏR

Çox oxunanlar