Contact Us

SON XƏBƏRLƏR

Tunis və Misirdən sonra Yəmən də ayağa qalxdı

2021.10.20, 07:36
Tunis və Misirdən sonra Yəmən də ayağa qalxdı

Gunaz.tv

GünAzTv: Yanvarın 27-də Yəmənin paytaxtı Səna şəhərində etiraz aksiyaları başlayıb. Aksiya iştirakçıları ölkəyə 30 ildən çoxdur rəhbərlik edən prezident Əli Abdulla Salehin istefasını tələb edir.

Nümayişçilər Səna Universiteti də daxil olmaqla paytaxtın dörd müxtəlif yerində toplaşıblar. Etirazçılar hökumət əleyhinə şüarlar səsləndirir və Tunis prezidenti Zeyn əl-Abdin ben Əlinin devrilməsini xatırladırlar. Yəmən müxalifəti prezident Salehi "Tunis ssenarisi" ilə devirəcəyini bəyan edib.

Yəmənin cənubunda əsas bazalarını (payqah) yaratmış terrorçu "əl-Qaidə" ilə mübarizədə özünü ABŞ-ın (Amerika Birləşmiş Ştatları) müttəfiqi kimi göstərən prezident Saleh 1978-ci ildən Şimali Yəməni, ölkənin şimalı ilə cənubu birləşəndən sonra isə vahid Yəməni idarə edir.

Bu ölkədə də Tunis və Misirdə olduğu kimi əhali bahalıqdan, işsizlikdən, korrupsiyadan (rüşvət) və sərt diktatura rejimindən şikayətçidir.

GünAzTv mətbuat mərkəzinin Ekspress-ə istinadən yaydığı məlumata görə, Yəmən ən yoxsul ərəb ölkəsidir. Ölkədə işsizliyin səviyyəsi 35 faizdir. Əhalinin 40 faizindən çoxunun gündəlik gəliri 2 dollardan azdır.

Yəməndə də hadisələrin alovlanması Tunisdəki kimi olub: yanvarın 26-da Yəmənin cənubundakı bir şəhərdə Fuad Sultan adlı sakin özünə od vurub. O, ağır dərəcəli yanıqlar alıb. İntihar cəhdinin səbəbi taksi sürücüsü işləyən Sultanın ailəsinin ehtiyaclarını ödəməkdə çətinlik çəkməsi olub.

Xatırladaq ki, ötən il dekabrın ortalarında Tunisdə küçə ticarəti ilə məşğul olan gənc satdığı göyərtinin polisin müsadirə etməsinə özünü yandırmaqla etirazını bildirmişdi - bu, səbir kasasını daşdıran son damla olmuşdu: ölkəni kütləvi etirazlar bürümüş və bu il yanvarın 14-də Tunis prezidenti ben Əli dabanına tüpürərək ölkədən qaçmışdı.

Daha sonra Misirdə işsizlik, korrupsiya və qiymətlərin yüksək olmasına etiraz edən bir neçə nəfər də özünü yandırmışdı ki, bu da Hüsnü Mübarək hakimiyyətinə qarşı kütləvi aksiyalara start vermişdi.

SEÇİLMİŞ XƏBƏRLƏR

Çox oxunanlar