Contact Us

SON XƏBƏRLƏR

Serj Sərkisyan: "Rəzil olduq"

2021.10.20, 07:36
Serj Sərkisyan: "Rəzil olduq"

Gunaz.tv

GünAzTv: Ermənistan mətbuatının yaxdığına görə, Bakının "İnter" klubunun "Mika" üzərində 4:0 hesablı qələbəsi prezidenti Serj Sərkisyanı möhkəm qəzəbləndirib.

Bu hadisədən dərhal sonra Sarkisyan "Mika" klubunun sahibi, eyni zamanda dostu və şəriki Mixail Baqdasaryanı möhkəm danlayıb və futbolçuların bütün erməni xalqını rəzil etdiklərini deyib: "Düşmən bizi hətta futbol meydançasında da aşağılayır".

GünAzTv mətbuat mərkəzinin “Xalq Cəbhəsi” qəzetinə istinadən yaydığı məlumata görə, Erməni mətbuatı isə Baqdasaryanın özünə haqq qazandıraraq, qələbə üçün əlindən gələni əsirgəmədiyini deyib və uğur qazanacaqları təqdirdə "Mika"nın hər bir futbolçusuna 50 min dollar məbləğində mükafat vəd etdiyini bildirib. Amma göründüyü kimi Baqdasaryanın vədi də "Mika"nın köməyinə gəlməyib. Erməni mətbuatı yazır: "Açıq desək, oyundakı hesab da bizi bir o qədər narahat etmir. Bizi qəzəbləndirən komandalar arasındakı müdhiş və ağlasığmaz fərqdir. "İnter" "Mika"ya istədiyi qədər qol vura bilərdi. Şübhəsiz ki, Azərbaycan klubunun bizi aşağılamasına min cür bəhanə gətirmək olar. Məsələn demək olar ki, "Mika" hazırda Ermənistan çempionatında dördüncü yerdədir və əgər hazırki lider "Pünik" oynasaydı nəticə fərqli ola bilərdi. Amma bütün bunlar ehtimaldı. Faktlar isə "Pünik"in də Azərbaycan klubuna - "Neftçi"yə yenildiyini xatırladır.

Təsəlli üçün rəqibin legionerlərin köməyindən istifadə etdiyini də demək mümkündür. Lakin nəzərə alsaq ki, "Mika"nın oyunçularının böyük əksəriyyəti Ermənistan yığmasının əsas heyətində oynayırlar və bu komanda da Avropa çempionatının seçmə mərhələsini adlamaq fikrinə düşüb, o zaman bu arqumentin də əsassız olduğunu görərik. Digər tərəfdən, Madridin "Real" komandasının heyətində nə qədər ispaniyalının olduğunu xatırlatmaq da yerinə düşərdi...

Bütün bunlar sübuta yetirir ki, Ermənistanın kriminal-oliqarx hakimiyyəti düşmənə hətta futbol meydançasında da qalib gəlmək iqtidarında deyil. Belə olduğu təqdirdə Ermənistan prezidentinin Azərbaycan və Türkiyənin ünvanına səsləndirdiyi hədələrin boş səsdən başqa bir şey olmadığı öz təsdiqini tapır".

SEÇİLMİŞ XƏBƏRLƏR

Çox oxunanlar