GünAzTv: Avropa parlamentinin Rumıniyadan olan deputatı beynəlxalq hüquqa əsasən Ermənistanınişğal etdiyi əraziləri azad etməli olduğunu və bu çərçivədə də qonşulara qarşı təcavüzkarlıq niyyətlərindən əl çəkməsinin qaçılmaz zərurətə çevrildiyini bildirib. 

Ermənistanın Azərbaycan ərazilərinin 20 faizini işğal etməsi və problemin aradan qaldırılması ilə bağlı ATƏT (Şoraye əmniyyət və həmkariye orupa) Minsk Qrupu çərçivəsində həyata keçirilən sülh danışıqlarının qarşı tərəfin günahı üzündən dalana dirənməsi get-gedə beynəlxalq aləmdə narazılıqları artırmaqdadır. Bunu Avropa Parlamentinin (AP) Rumıniyadan olan deputatı, xanım Norika Nikolaenin məsələ ilə bağlı APA-ya verdiyi açıqlama da bir daha sübut edir. Avropa Parlamentinin Azərbaycanla sıx əməkdaşlıq tərəfdarı olduğunu xüsusi vurğulayan xanım Nikolae:  “Hazırda Azərbaycan Avropa Birliyinin əməkdaşlıq siyasətinin prioritetlərindən (öncəliklər) biridir və bu işdə AP önəmli körpü rolunu oynamaqdadır”, - deyib.

Bu müstəvidə də Azərbaycan üçün taleyüklü məsələ hesab edilən Dağlıq Qarabağ münaqişəsinin həlli məsələsinə toxunan AP rəsmisi Ermənistanın işğalçılıq siyasətini bundan sonra da davam etdirməsinin yolverilməz olduğunu söyləyib. Xanım Norika Nikolae ümumiyyətlə götürdükdə yalnız Dağlıq Qarabağ münaqişəsinin deyil, dondurulmuş hesab edilən MDB (Müstəqil Dövlətlər Birliyi) məkanındakı bütün analoji (oxşar) milli-etnik qarşıdurma ocaqlarının Avropada narahatçılıqla qarşılandığını bildirib: “Cənubi Qafqaza dair əvvəlki hesabatda həmkarlarım məni dəstəklədilər və Avropa Parlamentinin əlavəsinə səs verdilər. Mən Ermənistandan tələb etdim ki, tutduğu ərazilərdən çıxsın, çünki bu, Azərbaycanın ərazisidir. Beynəlxalq hüquqda başqasının ərazisini tutmaq qəbul olunmazdır. Buna görə də Ermənistan Azərbaycan ərazisini tərk etməli, vəziyyətin normallaşmasına yardım etməlidir. Fikrimcə, Azərbaycanın ərazi bütövlüyünün tanınması ləng gedir. Biz bu prosesi sürətləndirməliyik, çünki bütün beynəlxalq birlik bu bölgədə sabitliyin yaranmasında maraqlıdır. zaman

Bu bölgə Avropa Birliyindən uzaq deyil və biz prosesi sürətləndirməkdə maraqlıyıq. Əlbəttə, hər bir ölkənin lobbisi var və Ermənistan həqiqətin onun tərəfində olduğunu göstərməyə çalışır. Xoşbəxtlikdən tarixi həqiqət Azərbaycanın tərəfindədir”.

O belə hesab edir ki, artıq Ermənistanın qonşularına qarşı təcavüzkarlıq niyyətlərindən əl çəkməsi qaçılmaz zərurətə çevrilib.

AP rəsmisi Azərbaycanın AB-nin mənzil qərargahında  daha çevik fəaliyyət göstərməsinin, müntəzəm olaraq Dağlıq Qarabağ probleminin həlli məsələsinin vacibliyini müxtəlif yollarla qurumun toplantılarında qaldırmasının zəruri olduğunu söyləyib. Onun fikrincə, bu yolla problemin aradan qaldırılması prosesini sürətləndirmək və onun həllini yeni müstəviyə keçirmək mümkündür.

O: “Bu yay qaçqınların vəziyyətinə dair konfransa ev sahibliyi edəcəyik. Biz bu tədbirdə maraqlıyıq və müxtəlif siyasi qruplardan olan həmkarlarımız bu tədbiri dəstəkləyir. Mən inanıram ki, həqiqət sizin tərəfinizdədir, siz uğur qazanacaqsınız, Azərbaycan yaxşı nəticələr əldə edəcək, çünki tarix onun tərəfindədir”,-deyib.