Əfqanıstan rəsmiləri yanacaq problemini Tehranda müzakirə edəcək

SON XƏBƏRLƏR

Əfqanıstan rəsmiləri yanacaq problemini Tehranda müzakirə edəcək

2021.10.20, 07:36

Gunaz.tv

GünAzTv: Əfqanıstan prezidenti Həmid Kərzay İslam Respublikasının ölkəsindəki səfiri Fədahüseyn Maliklə Kabildəki görüşüb.

GünAzTv-nin «İSNA»-ya istinadən məlumatına görə, o, İran prezidenti Mahmudl Əhmədinejada çatacaq məktubu səfirə təqdim edərkən bildirib ki, İrana sifariş edilən yanacağı əfqan xalqının alacağına ümid edir.

Həmid Kərzayın dəvəti ilə keçirilən bu görüşdə iki tərəfli iqtisadi-ticarət münasibətlərin yüksəldilməsi və yanacağa dair probblemi müzakirə ediblər.

Əfqanıstanın iqtisadi-ticarət, sənaye sahələri üzrə nazirlər və onların müavinləri, eləcə də bu ölkənin iş adamlarının yancaq problemini müzakirə etmək məqsədi ilə Tehrana səfər etməsi üçün F. Malik Həmid Kərzayın razılığını alıb.

Əfqanıstan ticarət palatası yanacaq probleminə görə, İranla iqtisadi-ticarət əlaqəsini kəsdiklərini bildirmişdi. Ölkənin ticarət və sənaye naziri qeyd edib ki, bticarət palatasının belə qərar qəbul etmək səlahiyyəti yoxdur.

Xatırladaq ki, «svobodanews»-un yaydığı məlumatda bildirilmişdi ki, Əfqanıstan hökuməti İran mallarına sanksiya qoyub. Bununla bağlı qərar İranın Əfqanıstana yanacaq daşıyan tankerlərin hərəkətini məhdudlaşdırmasına cavab olaraq yanvarın 18-də qəbul edilib.

Bir aya yaxındır İran hökuməti tranzit xətti ilə ölkə ərazisindən İraq və Türkmənistan benzinini Əfqanıstana daşıyan 2500 tankerin hərəkətinə məhdudiyyət qoyub. İran rəsmiləri bunu həmin yanacağın NATO-nun Əfqanıstandakı hərbi qüvvələrinin ixtiyarına veriləcəyindən ehtiyatlanmaları ilə izah edirdilər.

Əfqanıstanın Ticarət və Sənaye Palatasının rəhbəri Qurbanəli Həqcu jurnalistlərə açıqlamasında deyib ki, hökumət İrandan idxalı dayandırıb, minlərlə əfqan taciri isə İranla ticarət əlaqələrini kəsib: « İrandan idxal etdiyimiz məhsulların çoxunu özümüz də istehsal etmək gücündəyik. Tehranın qoyduğu qadağalar davam etsə də, Allah qoysa, bu şərin sonu xeyrimizə qurtaracaq. Çünki bu daxili istehsala daha artıq diqqət yetirməyimizə, öz imkanlarımıza arxalanaraq ölkə daxilindəki istehsalı inkişaf etdirməyimizə səbəb olacaq».

Bu qərardan sonra Tehran hakimiyyəti təsdiqləyərək, bildirib ki, Əfqanıstanla sərhəddə yanacaqla dolu 160 yük maşını 2010-cu ilin dekabrında saxlanılıb və onun İrandan çıxmasına qadağa qoyulub.

Tehranın Kablidəki səfirliyinin bəyanatına əsasən, Əfqanıstan tərəfi İrandan gələn yanacağın istifadəsinə dair məlumat verib.

Əfqanıstan rəsmiləri isə bildirib ki, İranla sərhəddə 1500 yük maşını saxlanılıb və onların az bir qisminə İslam Respublikasını tərk etməyə icazə verilib. Sədrəddin Soltan

GUNAZ.TV

SON XƏBƏRLƏR