GünAzTv: Yanvarın 18-də Birləşmiş Ərəb Əmirliyinin paytaxtı Əbu –Dabi şəhərində  İslam Konfransı Təşkilatı Parlament Assambleyasının toplantısı öz işinə başlayıb.

«MIGnews»-un məlumatına əsasən,  İran parlamentinin sədri Əli Laricani 45 nəfərlik nümayəndə heyti ilə bu toplantıda iştirak etmək üçün Əbu-Dabiyə yola düşüb.

İslam Respublikası təmsilçilərinin tədbirə qatlıması müəyyən mənada gözlənilməz olub. Çünki toplantı başlamazxdan bir gün əvvəl İran parlamentinin milli təhlükəsizlik və xarici siyasət komissiyasının təmsilçisi Kazım Cəlili  BƏƏ-yə etiraz olaraq, Əbu-Dabidəki toplantıda iştirak etməyəcəklərini bəyan etmişdi.

Onun sözlərinə görə, Əbu-Dabi konfransınin gerçək siyasi-hüquqi əsası yoxdur : «Təşkilatın Parlament Assambleyası icariyyə komitəsinin konfarnsı hər iki ildən bir, qurultayı isə hər il keçirilir. Şuraya Əmirlik başçılıq etdiyindən icariyyə komitəsinin toplantısı ikinci dəfədir keçirilir. Bu isə qanunsuzdur».

Parlament nümayəndəsi bildirib ki, İKT-nin bu yığıncağı BƏƏ-də deyil, İndoneziyada keçirilməli idi. «Əmirlikdə adətən qurumun nizamnaməsində dəyişiklik etmək məqsədi ilə fövqəladə ssesiya keçirilir. Əbu-Dabi konfarnsında istənilən qətnaməyə əməl etmək bizim üçün qəbuledilməzdir».

Xəbərlərə əsasən, Tehran hakimiyyəti körfəzdəki üç adanını – Böyük Tomb, Kiçik Tomb və Əbu Mussa adaları ilə bağlı məsələnin müzakirə ediləcyini ehtimal etdiyinə görə yığıncaq başlanğıcdan qatlımayıb.

Xatırladaq ki, Birləşmiş Ərəb Əmirliyi adı çəkilən adaların İran tərəfindən işğal edildiyini bildirir. Tehran isə bu torpaqların İrana məxsus olduğunu iddia etməkdədir.

Müşaihədçilərə görə, Tehran hakimiyyəti İslam Konfransı Təşkilatı kimi nüfuzlu bir qurumun kürsüsündən istifadə etməməyin yersiz olduğunu sonradan başa düşüb və buna görə də, hikkəsindən əl çəkməyi qərara əl alıb.

İran parlamentinin sədri yığncaqdakı çıxışı ilə bütün dünyanın, eləcə də müsəlman və ərəb dünyasının ittiham edib. Əli Laricani çıxışında Qərbi, özəlliklə İsrail və ABŞ-ı (Amerika Birləşmiş Ştatları) dəfələrlə mühakiə edərək, onları «müsəlman dünyasına qarşı iş birliyi»ndə suçlyayıb. Örən kimi o, iki iranlı atom-aliminin qətlini göstərib.Laricani bu olayı «beynəlxalq terror aktı» adlandırıb.

İran parlamentinin sədri Livanın qətlə yetirilmiş baş naziri Rafiq Həririnin öldürülməsi ilə bağlı cinayət işini araşdıran BMT-nin (Sazemane Meləl) özəl tribunalını da «lənətləyib». Onun sözlərinə görə, bu qətlin «rejissoru sionist qurumlarıdır».

Yeri gəlmişkən prokuror Daniel Belmar tərəfindən irəli sürülən itthama əsasən,  keçmiş baş naziri «Hizbulla» qurupunun üzvləri planlaşdıraraq, həyata keçirib. «AFR»-in məlumatına görə, İranın ali rəhbəri ayətulla Xamneyi isə 2005-ci ilin fevralında qətli «sifariş» verib. «Sifariş»çi olduğuna görə, ona qarşı da ittiham irəli sürülüb.

Bir müddət öncə R.Həririnin qətlini «Hizbulla»nın əməliyyat bölməsinin rəisi İmad Muqniya və qrupun iranlı komandiri Qasım Süleymaninin planlaşdırdığı bildirilirdi.

Hesabata əsasən, baş nazirə hücumu Muqniyanın əmisi oğlu Mustafa Bədrəddin başçılıq etdiyi döyüşçü qrup həyat keçirib.

«İranın qənaətincə, Həriri Səudiyyə Ərəbistanının casus idi. Bu səbədən də onun ölmü Livandakı «Hizbulla»ya sərf edərdi»-deyə, «Newsmax» bildirib.

Mənbənin bildirdiyinə görə, hesabatda ayətulla Xamneyinin İnqilab Keşikçiləri Qvardiyasının komandanlığına əmr verdiyi haqda dəlillər var.

İmad Muqniya R.Həririnin qətlindən bir müddət sonra müəmmalı şəkildə öldürüldü. Onun da qətili haqda çeşidli variantlar söylənilməkdədir. Elə R.Həririnin ölmündə İran hakimiyyəti və «hizbulla» ilə yanaşı, Suriyanın prezidenti Bəşşar Əsəd, eləcə də  onun əmisi oğlu, Suriya kəşfiyyat idarəsinin o vaxtkı başçısı Asəf Şövkətin də əsas rol oynadığı haqda versiya irəli sürülür.

Ə.Larican Qərbi ittiham etdikdən sonra ərəbə dövlətlərinin elitasının «üstünə düşüb»: «Avtoritar rejimlər uzun illər islam hümmətinin birliyini içəridən dağıtmaq üçün toxum səpirdi. İslam hümmətinin taleyi ilə oynamaq üçün Amerika-sionist birliyinə yol verə bilmərik». Sədrəddin Soltan