Tunisdə son vəziyyət…

SON XƏBƏRLƏR

Tunisdə son vəziyyət…

2021.10.20, 07:36

Gunaz.tv

GünAzTv: Baş nazir Məhəmməd Qannuşi (Mohammed Ghannouchi) deyib ki, bazar ertəsi Tunisin yeni koalisiya hökümətinin tərkibi elan edilə bilər.

GünAzTv mətbaut mərkəzinin BBC-yə istinadən yaydığı məlumata görtə, Məhəmməd Qannuşi müxalifət partiyaları ilə danışıqlar aparır. Onların arasında Demokratik Tərəqqi Partiyası da var. Bu partiyanın yüksək rütbəli üzvlərindən biri doktor Firas Cablun (Firas Jabloun) BBC-nin NEWSHOUR proqramına müsahibəsində belə bir milli birlik hökümətinin əsas prioritetlərindən danışıb.

Firas Jablun deyib ki, Milli birlik hökümətinin ən ümdə məsələsi ölkədə təhlükəsizliyi bərpa etmək və əhalini onları qorxuya salan silahlı dəstələrdən mühafizə etməkdir.

Onun sözlərinə görə, "ikinci prioritet - prezident və parlament seçkilərinə hazırlıqdır. Və bu seçkilərdə iştirak etmək istəyən bütün partiya və təşkilatlara istisna olamadan icazə verilməlidir. Və nəhayət, üçüncü prioritet - bütün siyasi dustaqlara amnistiya verilməlidir, o cümələdən mühacirətdə olan siyasətçilərə də".

Bu arada Tunisdə təhlükəsizlik qüvvələri paytaxt Tunis və onun kənarında prezident qvardiyası üzvləri ilə döyüşüblər. Yerli sakinlər atəş səsləri və ağır döyüşlər barədə xxəbər verirlər.

Tunisin baş naziri Məhəmməd Qannuşi milli televiziya vasitısi ilə çıxışında deyib ki, cümə günü prezident Zine əl-Abidin Ben Əlinin devrilməsindən sonra ölkənin təhlükəsizliyinə heç kəsə təhdid etmək imkanı verilməyəcək.

Zine əl-Abidin Ben Əli işsizlik və korrupsiyadan təngə gəlmiş insanların etiraz nümayişləri ilə üzləşdikdə ölkəni tərk etmişdi.

GUNAZ.TV

SON XƏBƏRLƏR