Qazaxıstan prezidenti “Elbaşı” statusu aldı

SON XƏBƏRLƏR

Qazaxıstan prezidenti “Elbaşı” statusu aldı

2021.10.20, 07:36

Gunaz.tv

GünAzTv: Qazaxıstan parlamentinin hər iki palatasının dünən keçirilən birgə iclasında ölkə Konstitusiyasına təklif edilən dəyişikliklər təsdiqlənib.

Bu düzəlişlərə görə, prezident Nursultan Nazarbayevə “El başı” (ümummilli lider) statusu verilib, həmçinin Nazarbayev heç bir seçkiyə ehtiyac olmadan səlahiyyət müddətini istənilən müddət uzada bilər.

GünAzTv mətbuat mərkəzinin “Yeni musavat”-a istinadən yaydığı məlumata görə, Düzəlişlər 44 senatorun və 160 Məclis üzvünün yekdil dəstəyi ilə qəbul olunub. Nazarbayevə “Elbaşı” statusu verilməsinə dair Konstitusiya düzəlişi ötən il irəli sürülmüşdü. 2010-cu il dekabrın 23-də isə Qazaxıstanın bir qrup ictimai xadimi Nazarbayevin səlahiyyət müddətinin 2020-ci ilə qədər artırılması üçün Konstitusiya referendumu keçirilməsi təklifini irəli sürüb. Dekabrın 29-da Qazaxıstan parlamentinin hər iki palatası bu təklifə baxıb və onu qəbul edib. 2011-ci il yanvarın ilk həftəsində Nazarbayev sözügedən referendumu qəbul etməməsi haqda fərman imzalayıb. Ancaq ölkədə Nazarbayevin səlahiyyət müddətinin artırılması üçün referendum keçirilməsi ilə bağlı imza kampaniyası aparılıb və 5 milyona yaxın imza toplanıb. Ölkə parlamenti də bu imzaları əsas götürərək yanvarın 14-də məsələyə yenidən baxıb və Nazarbayevin səlahiyyət müddətinin 2020-ci ilədək artırılması üçün konstitusiyaya dəyişikliklər haqqında qanun qəbul edib. Belə bir qanun qəbul edildiyinə görə prezidentin əvvəlki fərmanı - referendum təklifinə qoyduğu vetosu qüvvədən düşür.Qeyd edək ki, Qazaxıstanda Nazarbayevin səlahiyyətlərinin referendumla uzadılması praktikası var. 1995-ci ildə onun səlahiyyət müddəti 1999-cu ilə qədər uzadılıb. Qazaxıstanda prezidentlik müddəti 7 ildir, lakin gələn ildən qüvvəyə minəcək düzəlişlə bu müddət 5 il olacaq. İndi Nazarbayev ömürlük prezidentliklə yanaşı hakimiyyətdən gedəcəyi təqdirsə özü və ailə üzvləri üçün tam toxunulmazlıq statusu da əldə edir. Həmçinin “Elbaşı” olmaq ona imkan verir ki, nə vaxtsa hakimiyyətdən getsə, ölkənin idarə edilməsində iştirak etsin.

GUNAZ.TV

SON XƏBƏRLƏR