Rəsmi Moskva Qarabağ məsələsi və İranın nüvə fəaliyyətləri ilə bağlı öz mövqeyini açıqlayıb

SON XƏBƏRLƏR

Rəsmi Moskva Qarabağ məsələsi və İranın nüvə fəaliyyətləri ilə bağlı öz mövqeyini açıqlayıb

2021.10.20, 07:36

Gunaz.tv

GünAzTv: Rusiyanın xarici işlər naziri Sergey Lavrov bəyan edib ki, İrana təyziqin artırılması çağırışlarını əks nəticə verən adlandırıb.

Eyni zamanda o İranın da BATENA-la lazımi əməkdaşlıq qurmadığını deyib. Nazir bu gün həmçinin Qarabağ münaqişəsinin nizamlanması məsələsinə də toxunaraq bəyan edib ki, burada 2-3 ən çətin məqamların uzlaşdırılması istiqamətində iş gedir.

GünAzTv mətbuat mərkəzinin BBC-yə istinadən yaydığı məlumata görə, Sergey Lavrov bir sıra beynəlxalq məqamlar üzrə Rusiyanın mövqeyini açıqlayıb. Məsələn, İranın nüvə proqramı probleminə toxunaraq bəyan edib ki, hal hazırda iş kifayət qədər ciddidir:

"Bunun səbəblərindən biri odur ki, biz İranın BATENAyla lazımi səviyyədə əməkdaşlığını görmürük. Başqa səbəb odur ki, məsələ ətrafında süni şəkildə əlavə ehtiraslar qızışdırılır. Xanım Kliton İrana təyziqi artırmağa çağırır. Bizim israilli tərəfdaşlarımız tək sanksiyalar təyziqini artırmağa yox, real şəkildə İranı ona qarşı qüc işlədiləcəyiylə hədələməyə açıq çağırırlar. Mən hesab edirəm ki, bütün bunlar əks nəticə verən çağırışlardı. Heç bir problem qüc yoluyla həll oluna bilməz", deyib nazir.

Sergey Lavrov Qarabağ münaqişəsinin nizamlanması işinə də ölkəsinin münasibətini bildirib:

"Biz 2-3 məsələylə bağlı həlli tapmağa çalışırıq. Bu məqamlar artıq uzlaşdırılmış məsələlərlə müqayisədə sayca azdır, amma onlar ən çətin məsələlərdi. Hazırkı mərhələdə ən başlıcası odur ki, prosesə mane olmamaq. Ona görə ki deyək BMT kimi, ATƏT kimi beynəlxalq təşkilatların tribunaları cəlb olunanda məsələ işguzar müzakirə müstəvisindən açıq polemika müstəvisinə keçir. Bu isə tərəflərin bir birinə qarşı durmasını qücləndirir", deyib Sergey Lavrov.

Xatırladaq ki, Qarabağ məsələsini beynəlxalq təşkilatlarda müzakirəyə çıxarmağa Azərbaycan çalışır. Bakıda bildirilir ki, belə müzakirələr problemə beynəlxalq hüquqa köklənən ədalətli qiymətin verilməsi işinə kömək edə bilər.

Sergey Lavrov bu gün habelə bir sıra başqa məqamlara da toxunub. O bəyan edib ki, YUKOS işi üzrə Mixail Xodorkovski və Platon Lebedevə oxunan son hökm Rusiyanın başqa ölkələrlə münasibətləri və ölkənin investisiya cazibadarlığına təsir etməyəcək. Xatırladaq ki, bu hökm bir sıra Qərb ölkələrində kifayət qədər mənfi qarşılanıb və bir çoxlarının zənnincə, bu iş daha çox siyasi xarakterlidir. Rusiya rəsmilərinə görə, işdə siyasət yoxdur, istintaq qanun pozuntularını aşkar edib məhkəmə də buna əsasən hökm çıxarıb.

GUNAZ.TV

SON XƏBƏRLƏR