GünAzTv: İranla İsrail arasında «soyuq savaş» «şərtlərinə» uyğun olaraq, hədələyici çıxış və davranışlar  davam etməkdədir.

Həmədan şəhərindəki Mardxay və Əstərin qəbrilərinin yerini göstərən yol nişanlarını hakimiyyət yığışdırıb. Hər iki qəbir dövlət tərəfindən qorunur.

İranın «Fars» xəbər agentliyi bildirib ki, hər il bu qəbirlərri minlərlə yəhudi ziyarət edir : «Halbuki onlar 75 min farsın kütləvi ölmündə günahkar sayılırlar. Həmin günü isə yəhudilər Purima günü kimi bayram edirlər».

Bir neçə həftə öncə Tehran universitetinin tələbələrindən ibarət bir qrup keçirdiyi aksiyada bəyan etmişdi: «Əgər İsrail müsəlmanlar üçün müqəddəs olan Əl-Əksa məscidini sökmək haqqında çoxdankı niyyətini gerçəkləşdirərsə, o zaman həmin qəbirlər anındaca dağıdılacaq».

Məsələyə hələ rəsmi Təl-Əviv münasibət bildriməyib.

Yeri gəlmişkən,  Əstər əhmənilərin dövründə fars hökmdarı Xəşayarşahın arvadı,  Mardxay isə Əstərin əmisi olub. Güney Azərbaycanın Həmədan şəhərindəki bu qəbristanlıq qədim məzarlıqlardandır. Yəhudilər Mardxay və Əstərin basdırıldığı bu yeri Qüds kimi müqəddəs sayırlar. Tehrana bağlı qaynaqların iddiasına əsasən, İsrail Qüds kimi bu ərazini də «işğal etmək istəyir».

Yerli müşahidəçilərin dediyinə görə, həmin qəbirlərin sökülməsi ilə bağlı hakimiyyət tərəfindən tələbələrin etiraz aksiya təşkil olunub. Onların fikrincə, əslində niyyət heç də yəhudi qəbirlərini dağıtmaq deyil : « Həmədanın qədim türk, Azərbaycan şəhəri olduğu hamıya bəllidir. Sadəcə, olaraq hakimiyyət Mardxay və Əstərin qəbirlərini dağıtmaq bəhanəsi ilə türk abidələrini də məhv etmək niyyətindədir».

İsrailin baş nazir Binyamin Netaniyahu xarici jurnalistlər qarşısında çıxışı zamanı Yaxın Şərq siyasəti ilə bağlı bir sıra bəyanat verib.

Onun sözlərinə görə, İsraillə Fələstin arasında sülhü danışıqlar yolu əldə etmək olar, danışıqlardan əbədi qaçmaq mümkünsüzdür : «Sülh istəyirsinizsə, o zaman danışıqlar masasını arxasında oturun. Başqa yol mövcud deyil».

O, əlavə edib ki, İsrail dövləti öz vətəndaşlarının təhlükəsizliyini təmin etməyə borcludur və bundan ötrü İordan çayının Qərb  sahilini fələstinlilərin yaşayış məntəqələrinə odruları nəzarət etməkdədir.

B.Netaniyahu  İranın atom –nüvə proqrammı ilə bağlı təhlükədən danışaraq, qeyd edib ki, sərt iqtisadi sanksiyalarla dəstəklənən «gerçək hərbi variant probelmin həlli» üçün vacibdir.

«Hərbi təhlükənin gerçək olduğunu biləndən sonra İran nüvə proqramını dayandırdı»-deyə, o, xatırladıb. Tehran rejiminin başlıca məqsədi nüvə silahı əldə etməkdir. Bununla belə yəhudi dövlətinin baş naziri vacib sayırsa, İsrailin İrana hərbi zərbə endirəcəyindən danışmayıb.

Dünən İran prezidentinin elm və texnologiya üzrə müavini Nəsrin Sultanxah bildirib ki, ölkə alimlərinin təhlükəsizliyini təmin etmək üçün özəl taqım yaradılıb. Onun sözlərinə görə, bu təhlükəsizlik qurumu «milli elitar fondda qeydiyyatdan keçmiş» bütün alimlərin  həyatını qoruyacaq.

Prezidentin müavini onu da vurğulayıb ki, həmin alimlərə xüsusi təlimlər keçiriləcək: «Onlara xarici casuslar tərəfindən yaranacaq potensial təhükəli təmaslardan danışacaqlar».

Xatırladaq ki, hakimiyyət İsrail «Mossad»ına bağlı 10 nəfərlik casus şəbəkisini aşkarlayaraq, onları tutduğunu bəyan edib. ETTELAAT-ın başçısı Heydər Müslehi keçirdiyi mətbuat konfransında İrana qonşu olan ölkələrin İsraillə əlaqəsindən də söz açıb.

Nazirin sözlərinə görə, 2010-cu il yanvarın 12-də  qətlə yetirilmiş atom fiziki Məsud Əliməhəmmədinin ölümündə İsrail kəşfiyyatının rolu var.

«İsrailə casusluq etdiyi üçün bu günə qədər 10 nəfəri tutmuşuq»-deyən, Heydər Müslehi jurnalistlərdən birinin “Tutulanların hamısı İran vətəndaşıdırmı” sualını belə cavablandırıb: “Tutulanlar bir neçə şəbəkəyə məxsusdur. Hazırda məsələni araşdırırıq. Lakin sionist rejimlə (yəni İsraillə) əlaqəsi olan qonşu ölkələr və bölgə dövlətləri bilməlidirlər ki, bu rejimə yaratdıqları hər bir şərait bölgə və İran İslam Respublikası üçün təhdid sayılır».

2010-cu il noyabrın 29-da isə tehranın iki çeşidli yerində Şəhid Behişdi adına Universitetinin (keçmiş İran Milli Universiteti) iki müəlliminin avtomobilinə qara motoskletçi «maqnit bombası» ataraq, gizlənmişdi. Professor Məcid Şəhriyarinin «Peugeot 405» markalı maşında baş vermiş partlayış nəticəsində o, yerindəcə keçinmiş,  həyat yoldaşı və sürücü isə yaralanmışdı.

İkinci partlayış doktor Firudin Abbasi-Davanin «Peugeot 206» markalı avtomobilində baş vermişdi. Partlayış nəticəsində doktor və həyat yoldaşı yaralanmışdı. Qeyd edək ki, Firudin Abbasinin adı BMT Təhlükəsizlik Şurasının İrana qarşı qəbul etdiyi 1747 saylı qətnamədəki siyahıda da var.

İslam Respublikası rəsmiləri bir qayda olaraq, bu sayaq partlayışlarda ABş, İsrail və Britaniyanın kəşfiyyat qurumlarını suçlayır.

İran informasiya vasitələrinin bildirdiyinə görə, ETTELAAT naziri Heydər Müslihi deyib : «Müdafiə nazirinin keçmiş müavini Əlirza Əsgərinin İsrail həsbxanasında öldürülməsinə inanmıram».

Ə.Əsgərin 2006-cı ildə  oğurlandığı iddia edilir.

Ötən həftə İslam Respublikası xarici işlər naziri əvəzi Ələkbər Salehi bildirmişdi ki, Ə.Əsgərinin qaçırılması işi üzrə araşdırma komitəsi yaranıb. Müdafiə nazirinin keçmiş müavini Əlirza Əsgərinnin 2006-cı ilin dekabrında İstambuldan  itgin düşdüyü haqda xəbərlər yayılmışdı. Sədrəddin Soltan