Contact Us

SON XƏBƏRLƏR

Azərbaycan-Amerika münasibətləri İranı qıcıqlandırır

2021.10.20, 07:36
Azərbaycan-Amerika münasibətləri İranı qıcıqlandırır

Gunaz.tv

GünAzTv: Ötən həftə Ermənistanın İranla sərhədində ABŞ (Amerika Birləşmiş Ştatları) casusunun yaxalanması barədə məlumatlar yayıldı.

Saxlanılan şəxs milliyətcə erməni olan ABŞ vətəndaşı, 55 yaşlı Hal Talayandır. İran KİV-lərinin yaydığı məlumatda bildirilir ki, Ermənistanla sərhəddə saxlanılan qadının dişində gizlədilmiş casus qurğusu tapılıb, dindirmə zamanı o hər şeyi boynuna alıb və daha sonra İran təhlükəsizlik orqanları onu Ermənistana geri göndərib. İran sərhəd polisinin komandan müavini isə Tehranda mətbuat konfransı keçirərək casusun Ermənistanla sərhəddə deyil, Azərbaycanla sərhəddə saxlanıldığını deyib. Onun sözlərinə görə, casus Azərbaycanla sərhəddəki Culfa sərhəd keçid məntəqəsində tutulub. Yada salaq ki, indiyədək İran bir neçə dəfə İsrail və ABŞ casuslarının ölkə ərazisinə keçmək üçün Azərbaycan ərazisindən istifadə etdiyi barədə ittihamlar səsləndirib.Ekspertlər bu cür ittihamların daha çox siyasi amillərlə bağlı olduğunu düşünürlər. Politoloq Elçin Xalidbəylinin sözlərinə görə, Azərbaycan-ABŞ münasibətlərinin normallaşması İranda qıcıq yaradır: "Hesab edirəm ki, bu cür iddiaların heç bir əsası yoxdur. Çünki Azərbaycan öz qonşularına, ümumiyyətlə, dünya dövlətlərinə münasibətdə bütün normalara əməl edən bir dövlətdir. Azərbaycanın başqa dövlətə zərər verəcək hər hansı bir addım atması da indiyədək müşahidə olunmayıb. İranın Azərbaycanın ABŞ və Avropa dövlətləriylə olan münasibətlərinə hər zaman qısqanc münasibət göstərib və belə ittihamlar irəli sürməsinin səbəbi də məhz bununla bağlıdır. İran ABŞ-ın, eləcə də Qərb dövlətlərinin Cənubi Qafqazdakı nüfuz və iştirakına qısqanclıqla yanaşmaqla bərabər bunu öz milli təhlükəsizliyi üçün təhlükə sayır. Bu səbəbdən də Azərbaycanın bu dövlətlərlə əlaqə qurmasını qəti istəmir. Belə ittihamlar səsləndirməklə onlar Azərbaycana bir növ təzyiq göstərdiklərini düşünürlər. İran istəyir ki, Azərbaycan Qərb dövlətlərilə məsafə saxlasın və yaxud münasibətlərinə yenidən baxsın. Ancaq təbii ki, bu arzu olaraq qalacaq". Xalq cəbhəsi qəzeti

SEÇİLMİŞ XƏBƏRLƏR

Çox oxunanlar