İranla Azərbaycanın sərhəddi nə üçün bağlanıb?

SON XƏBƏRLƏR

İranla Azərbaycanın sərhəddi nə üçün bağlanıb?

2021.10.20, 07:36

Gunaz.tv

GünAzTv: Son günlər Azərbaycandan İrana keçmək istəyən şəxslər bu ölkəyə səfər edə bilməmələrindən şikayətlənir.

İran tərəfi təsdiq və ya təkzib verməsə də Azərbaycan vətəndaşları İranın öz sərhədini bağladığını deyir.

GünAzTv mətbuat mərkəzinin BBC-yə istinadən yaydığı məlumata görə, Baş verəninin mümkün motivləri açıqlanmasa da bir çoxları son zamanlar Bakı-Tehran münasibətlərində siyasi ziddiyətlərin yarandığı qənaətindədir.

Ötən həftə sonundan başlayaraq Astara sərhəd-keçid məntəqəsində gediş-gəlişin İran tərəfdən dayandırıldığı haqda məlumatlar yayılmağa başlayıb.

Bildirilir ki, İran tərəfi Azərbaycan vətəndaşlarının öz ölkəsinə keçməsinə, habelə geri qayıtmasına qeyri-rəsmi qadağa qoyub.

Maraqlıdır ki, hazırda Azərbaycan vətəndaşları İrana vizasız gediş-gəliş rejimindən bəhrələnir.

Amma son qeyri-rəsmi yasağın indi buna ciddi əngəl yaratdığı deyilir.

Astara sakini Rəsmiyyə Məmmədzadə bizimlə söhbətində etiraf edir ki, son günlər İran sərhədini keçmək çox müşkül işə çevdirilib. “İran kömrüyündən keçmək qeyri-mümkün olub. Bizi çox incidirlər burada” - deyir o.

Həmsöhbətimiz olan digər yerli sakin Ələkbər Vəliyev də deyilənləri tam təsdiq edir.

Onu sözlərinə görə, İrana getmək istəyən azərbaycanlılar qarşı tərəfin srət rəftarı ilə üzləşir.

O deyir ki, tətbiq edilən bu sanksiyadan “həm yerli tacirlər, həm də dindarlar əziyyət çəkir”. “Məhərrəmlik ayında bunun baş verməsi bizə ikiqat əziyyət verir”.

Səslənənən fikir və şikayətlərlə bağlı İranın Azərbaycandakı səfirliyindən hər-hansı şərh almaq mümkün olmadı.

Siyasi gərginlik

Bakının siyasi dairələrində isə çoxları əmindir ki, sərhəd sanksyası ilə Tehran Bakıya əslində öz etirazını bildirir.

Bu etiraza səbəb isə son zamanlar Azərbaycandakı məktəblərdə həm hicaba qadağa, həm də İslam Partiyası fəallarının həbsidir. Yerli icmalçılar hesab edir ki, bütün bunlar Bakı ilə Tehranın pərdəarxası münasibətlərini çox gərgin mərhələyə salıb.

Millət vəkili Fəzail Ağamalının da sözlərindən anlamaq olur ki, bu münasibətlər həqiqətən də gərgin mərhələdədir.

O əmindir ki, “Azərbaycanda dini qrupların son aksiyaları arxasında İran durur”. Mill Məçlis üzvü deyir ki, Azərbaycan ona təzyiq cəhdlərinə qarşı “ölçü götürmək iqtidarındadır”.

Wikileaks sızmaları

Xatırladaq ki, bir qədər öncə WikiLeaks sənədləri açıqlananda icmalçılarda Bakı-Tehran münasibətlərinin heç də hamar olmadığı qənəati yarandı.

Amerika səfirilyinin diplomatik naməsinə görə, prezident İlham Əliyev ötən il Amerikalı rəsmilərlə görüşəndə İranın dini pərdə altında Azərbaycanın daxili işlərinə müdaxilə etmə cəhdindən şikayətlənmişdi.

Yazılanlara görə, Əliyev dövlət katibinin müavini Byornsa iranlıların Azərbaycandakı dini səciyyəli və antihökümət ruhlu aksiyların arxasında durduğunu bildirmişdi.

GUNAZ.TV

SON XƏBƏRLƏR