Contact Us

SON XƏBƏRLƏR

Müsavat Partiyasından istefalar ətrafında müzakirələr gedir

2021.10.20, 07:36
Müsavat Partiyasından istefalar ətrafında müzakirələr gedir

Gunaz.tv

GünAzTv: Azərbaycanda Müsavat partiyasının rəhbər heyətinin iki üzvü partiya sıralarından istefa verib.

Professorlar Qabil Hüseynli və Adil Qeybulla öz istefa bəyanatlarında istefa səbəbini açıqlamasalar da bundan sonra ictimai fəaliyyətlərini davam etdirəcəklərini bildiriblər. Bu, son aylar ərzində Müsavatdan ilk istefa deyil.

Adətən Azərbacanda hər seçkidən sonra siyasi partiyalardan istefalar verilir. Bu dəfə bu tale ilə müxalif Müsavat partiyası üzləşib.

GünAzTv mətbuat mərkəzinin BBC-yə istinadən yaydığı məlumata görə, Partiya başqanının müavini Qabil Hüseynli və divan üzvü Adil Qeybulla partiyanı tərk ediblər. İstefa verən şəxslər bu addımı “dərin təəssüf hissi ilə” atdıqlarını açıqlayıblar. Bununla belə onlar istefanın səbəbləri üzərində dayanmaq istəmədiklərini də deyirlər.

Adil Qeybulla bildirir ki, istefa qərarı “şəxsi deyil, siyasi səciyyə daşıyır” və bundan sonra onlar yeni formatda fəaliyyətlərini davam etdirəcəklər. “Biz “Müsavat irsi və müasirlik” adlı yeni maarifləndirici qurum təsis etmək qərarına gəlmişik”, - deyib o.

Yerli siyasi icmalçılar isə istefanın bütün müxalifət düşərgəsində son aylar cərəyən edən proseslərlə bağlı olduğu qənaətindədirlər.

Beləki, son aylar Müsavatın digər nufuzlu müxalif təşkilat olan AXCP ilə birləşməsi ciddi müzakirə olunmaqdadır. Bu ideya hər iki partiya daxilində debatlara start verib. İndi bəzilər hesab edir ki, son istefalar birbaşa olaraq bu birləşmə ideyası ilə bağlıdır, çünki Müsavatda bunun həm tərəfdarları, həm də əleyhdarları var.

Öz növbəsində Müsavat partiyasının aparat rəhbəri Arif Hacılı deyir ki, son istefa “partiya üçün ciddi fəsad olmayacaq”. Bununla belə o, bu addımın təəssüf hissi doğurduğunu da etiraf edir. Eyni zamanda Arif Hacılı istefanın son noyabr seçkiləri ilə bağlı olduğunu düşünür.

Xatırladaq ki, son parlament seçkiləri nəticəsində nə Müsavat, nə də digər müxalif partiya bircə dənə də olsun mandat qazana bilməmişdi.

SEÇİLMİŞ XƏBƏRLƏR

Çox oxunanlar