GünAzTv: Dünya Azərbaycanlılarının Həmrəylik gününü (31 dekabr) özləri üçün qara gün hesab edən fars şovinizmi növbəti dəfə Azərbaycan və onun hörmətli prezidenti cənab İlham Əliyevi hədəfə alıb.

“Fars” xəbər agentliyi Azərbaycan prezidentinə bir neçə tarixi məqamın xatırlatması adı altında yazı dərc edib.

Müəllif öz sayaqlamasında Dünya Azərbaycanlılarının Həmrəylik günündən qorxusunu gizlətməyə çalışsada onun təmsil etdiyi dövlətin nə qədər qorxu içində olduğu açıq-aşkar gözə çarpır.

Bu cızma-qarada Azərbaycan prezidentinin 31 dekabrla bağlı çıxışına guya ki iradlar bildirilir.

Qeyd edək ki, çıxışa irad göstərməyə çalışan müəllif elə özü Azərbaycan prezidentinin çıxışını təhrif edib.

Bu yazıda qeyd olunan sayaqlamaları, aşağıda titrlər şəklində göstəririk. Yazıda deyilir:

- Özünü dünya Azərbaycanlılarının rəhbəri hesab edən Azərbaycan prezidenti, ən azı yaxın tarixi bilsəydi və Azərbaycanın İran torpağı olduğundan xəbərdar olsaydı, onda yəqin ki bu mövzuya toxunmazdı.

- 1989-ci ilin oktyabr və dekabr aylarında Azərbaycan xalqı öz tarixi vətənlərinə (İran) qovuşmaq üçün qışın soyuq havasında özlərini suya vurub və İrana gəldilər.

- 1989-cu ilin son aylarında baş verənləri Azərbaycan dövləti təhrif edib və onu xalqın İrana olan eşqi kimi yox, milli və qövmi hadisə kimi qələmə verib.

- Azərbaycanın Milli Məclisi 31 dekabrı Dünya Azərbaycanlılarının Həmrəylik günü adlandırır. Məhz ona görə 31 dekabr seçilir ki, yeni il bayramından su istifadə edib və onun təsiri altında 31 dekabrı bir milli gün kimi ortalığa qoya bilsinlər.

- Sərhəd hərakatı Azərbaycan xalqının İrana olan eşqinin təcəllisidir. Ancaq dövlət bunu təhrif edib və 31 dekabrda dünyanın bir çox ölkəsində mərasimlər keçirməklə millətçilik hisslərini canlı saxlamağa çalışır.

Sonra Azərbaycan prezidentinin çıxışı təhrif olunmuş formada dərc olunub. Guya ki Azərbaycan prezidenti qeyd edib ki, 1912-ci ilə qədər Azərbaycan sözü ancaq araz çayının Güney tərəfinə deyilirmiş və hazırkı Azərbaycan Respublikası Aran və Şirvan adlanırmış. (özləri uydurma tarixə inandıqları üçün, başqalarınında inandığını zən edirlər).

Yazının davamında sayaqlamalar belə davam edir:

-Azərbaycan prezidenti ömürük prezident adlandırır.

(Halbuki Azərbaycanda prezidenti seçki yolu ilə seçilir. Bu söz bir mənalı şəkildə İranın Ali Rəhbəri Əli Xamneiyə və hətta qan tökərək iqtidara gələn Əhmədinejada şamil edilməlidir.)

-Dünya Azərbaycanlıları Konqresi və onun məsulları İsailin əl altısı olduğu bildirilir.

- Keçirilən iki Dünya Azərbaycanlılarının Qurultayı lağa qoyulur və Qurultaylarda İsrail, Amerika və İngiltərəyə işləyən Güney Azərbaycanlıların iştirakı qeyd olunur.

- 2007-ci ildə keçirilən Dünya Azərbaycanlılarının Qurultayında Azərbaycan prezidentinin 50 milyon Azərbaycanlılardan bəhs etməsi şiddətlə qınanır və bu tip hərəkətlərin davam edilməsi İsrail və digər İran düşmənləri ilə bağlı olduğu bildirilir.

- Diasporumuzun Azərbaycandan yardım alması iddia edilir. İddia edilir ki, bu yardımla İranın əleyhinə fəaliyyətlər gedir.

- Azərbaycanın dərsliklərindəki tarix elmi təmami ilə təhrif olunmuş Hesab edilir və bunu Azərbaycan dövlətinin etdiyi bildirilir.

- Azərbaycan dövlətinin dinə qarşı çıxdığı ama bütün təzyiqlərə rəğmən müsəlmanların öz dini dəyərlərini qorumaq isttədikləri bildirilir və bu müqavimət bəyənilir.

- Yazıda vurğulanır ki, əgər söhbət birləşməkdən gedirsə onda Azərbaycan İrana birləşməlidir.

- Azərbaycan hökuməti və döxləti məscidləri sökməkdə, anti din hərəkətlərdə, hicaba qarşı qadağalarda suçlanır.

Qeyd edək ki, İran mətbuatında bu tip yazıların qeyd olunması birinci dəfə deyil. İranın, Azərbaycanın və bölgənin tarixi və rəhbərlərin çıxışlarının təhrifi də yeni hal deyil. Ancaq bütün bu tip yanaşmalarda bir həqiqət var ki, İran və İran pərəstlər qüvvələr  Güney Azərbaycan və Azərbaycanlıların Hərmrəyliyində vahiməyə düşübər. Məhz bundan Azərbaycanımızın potensial gücünü dərk edib və qurtuluşumuz uğrunda mübarizəmizi ümidlə aparmalıyıq.

Xatırladaq ki, “Mehr” xəbər agentliyi bu zəmində daha 3 yazı dərc edib. Onlarından məzmunu şərh etdiyimiz yazının məzmununa oxşardaır.

GünAzTv mətbuat mərkəzi

Nəbi Soytürk