Contact Us

SON XƏBƏRLƏR

Bazar günü İstanbulda terror törədən intiharçının kimliyi müəyyənləşib

2021.10.20, 07:36
Bazar günü İstanbulda terror törədən intiharçının kimliyi müəyyənləşib

Gunaz.tv

GünAzTv:  İstanbulda bazar günü partlayış törədən intiharçının şəxsiyyəti məlum olub. O 24 yaşlı Vedat Acardır.Həmin şəxsin bir vaxtlar Kürd üsyançı PKK təşkilatının üzvü olduğu bildirir.Bu amil intihar hücumunun PKK tərəfindən təşkil edilib-edildiyinə dair mübahisələri daha da qızışdırıb.GünAzTv mətbuat mərkəzinin TİA.AZ-a istinadən yaydığı məlumata görə, İstanbulun Taksim meydanında bazar günü baş verən və 32 nəfərin yaralanması ilə nəticələnən partlayışı törədən şəxsin 24 yaşlı Vedat Acar olduğu müəyyən edilib. İntiharçının 2004-cü ildə PKK-ya qoşulduğu və təşkilatın düşərgəsində təlim keçdiyi bildirilir.İstanbul valiliyinin yaydığı məlumata görə, Türkiyənin şərqində kürdlərin kompakt şəkildə yaşadığı Vanda qeydiyyatda olan Vedat Acar 3 ay əvvəl İraqla sərhəddəki Habur məntəqəsindən ölkəyə daxil olub. Məlumatda hadisə və intiharçının əlaqələri ilə bağlı təhqiqatın davam etdiyi bildirilir. Türkiyənin yarı-rəsmi Anadolu agentliyi İstanbulda partlayışla bağlı 7 nəfərin yaxalandığı, onların arasında Vedat Acarın ailə üzvlərinin də olduğu haqqında məlumat yayıb.PKK partlayışla əlaqəsi olmadığını bəyan etsə də, intiharçının bir vaxtlar bu təşkilata üzv olması PKK ilə bağlı şübhələri daha da artırıb. Lakin 90-cı illərdə PKK sıralarından ayrılaraq Türkiyəyə gələn bəzi şəxslər qeyd edirlər ki, PKK adətən törətdiyi hadisələrlə bağlı məsuliyyəti üzərinə götürən bir təşkilatdır. Onlar bu barədə bəzi kütləvi informasiya vasitələrinə verdiyi şərhlərdə deyiblər.PKK-nın 2 aya yaxın davam edən atəşkəsi daha 8 ay uzatdığını xatırladan müşahidəçilərin fikrincə, heç bir təşkilat belə bir qərardan sonra silahlı aksiya həyata keçirməz. Bəzi analitiklər, Taksimdəki partlayışın “müharibə lobbisinin” işi olduğu qənaətindədirlər. Digər icmalçılar isə PKK-nın hadisə ilə əlaqəsi olduğunu və təşkilatın taktika dəyişdirərək, bunu gizlətməyə çalışdığını düşünürlər.

SEÇİLMİŞ XƏBƏRLƏR

Çox oxunanlar