GünAzTv Mətbuat Mərkəzinin bu dəfəki müsahibi, Azərbaycan-Belçika Dostluq Cəmiyyətinin başqanı fəal diasporçu Ayhan Dəmirçidir.

-Ayhan bəy, Güney Azərbaycan məsələsi Sizin üçün nə deməkdir?

-Güney Azərbaycana vuralan yara bizim parçalanan yarımız, ruhumuzun, dərdimizlərin mənbəyinin başlanığıcıdır. Mən qısa olaraq buna belə cavab verərdim. Ancaq proseslərə geniş rakursdan baxdıqda təbii ki, Böyük Azərbaycanımız sistemli olaraq 1828-ci ildən başlayaraq  bölünə-bölünə indi ki, vəziyyitə gətirildi. XIX əsrdə baş verən ədalətsiz müharibələr xalqımızın milli psixologiyasının, mənəviyyatının, ideologiyasına böyük ziyan vurdu. Millətimizin dəyərli, vətənsevər insanları müxtəlif yollarla aradan götürüldü. Bu siyasət coğrafi ərazilərimizin parçalanması ilə yanaşı, xalqımızın milli düşüncəsinin formalaşmasına da öz mənfi təsirini göstərdi. Bu gün öz ana dilinin varlığı uğrunda milli fəallarımızın mübarizə aparırlar. Məni ümidli edən odur ki, beynelxalq səviyyədə güneydə baş verən hadisələrə münasibət bildirilir. Bu çox vacib məsələdir.  Milli ideologiyanın geniş yayılması uğrunda aparılan mücadilə Azərbaycanın güclənməsinə təkan verir. Birlik fəlsəfəmizi gücləndirir.

-Yəni bu gün beynelxalq səviyyədə güney məsələsinə olan münasibət Sizi qane edir?

-Bəli, əvvələr orada cərəyan edən hadisələr haqqında heç nə deyilmirdi, açıq münasibət bildirilmirdi. İndi isə vəziyyət başqa istiqamətdə cərəyan edir.

Hər şeydən öncə milli hərakat daxildən alovlanmalıdır. Milli mədəniyyətin yaşaması uğrunda gedən mübarizə milli hərakatı stimul verir. İranda olan şovinizm siyasəti türklərin assimilliyası olmasına hesablansada, ancaq hadisələr şovinistlərin istədiyi kimi davam etmədi. Türklər öz milli-mədəni varlıqlarını, sosial düşüncələrini yaşatmaq uğrunda ciddi mübarizə aparırlar. Beynelxalq İnsan Hüquq Təşkilatları, BMT, Avropa Şurası, Avropa Birliyi İranda insan hüquqlarının pozulduğu haqqında yetirincə bilgilərə sahibdirlər.

-Bu gün İran Azərbaycanın iyirmi faiz torpaqlarını işğal edən Ermənistanla əlaqələri inkişaf etdirir. Onu ayaqda durmasına hər tərəfli yardim edir...

-Mən çox təəssüf edirəm ki, özünü islam, müsəlman dövləti elan edən İran Ermənistanla əlaqələrin inkişaf etdirir və onun ayaqda durmasında mühüm rol oynayır. Bu təəssüfləndirici haldır. Buna baxmayaraq sınmaq, ruhdan düşmək olmaz. Bizim yolumuz haqq, insanlıq yoludur. Azərbaycanın hər tərəfli güclənməsi üçün milli birliyimizi gücləndirməliyik. Milli birlik bizim çıxış yolumuzdur. Qarabağında həlli açarı milli birliyimizin yaranmasında keçir. Bu torpaqların sahibləri bizlərik, min illərdir ki, əcdadlarımızın ruhları bu torpaqlarda gəzir, sümükləri uyuyur.

-Təşəkkür edirik dəyərli vaxtınızı bizə ayırıb suallarımızı cavablandırdığınız görə və Sizə gələcək işlərinizdə uğurlar arzu edirik.

- Mən də Sizlərə gördüyünüz milli işlərinizdə uğurlar arzu edirəm və bu millətləşmə, bütövləşmə yolunda apardığınız mübarizədə Tanrı Sizlərə Yar Olsun!

Söhbətləşdi: Elnur Eltürk