Məhbuslara Quranı öyrətmək çıxış yoludur?

SON XƏBƏRLƏR

Məhbuslara Quranı öyrətmək çıxış yoludur?

2021.10.20, 07:36

Gunaz.tv

GünAzTv: 30 ildir ki, İrandakı hakimiyyəti İslam dini adından sui-istifadə edir.

«İslam.ru»-nun yaydığı məluata əsasən, Məşhəddəki həbsxanalarda Quranın öyrədilməsi kursunun açılması barədə qərar qəbul olunub.

«Həbsxana təşkilatının» təmsilçisi bildirib: «Məhbuslarla yanaşı, həbsxanalardakı əməkdaşlar da Quranın əzbər öyrənilməsinə cəlb ediləcək».

Onun sözlərinə görə, bu ay Şirazda məhbuslar üçün «Quran oxumağa dair milli müsabiqə» keçiriləcək: «330 məhbus 12 ad üzrə bu yarışda iştirak edəcək».

Dinimizn öyərdilməsi və təbliğinin ilk baxışdan faydalı olduğu istisna deyil. Ancaq Tehran hakimiyyəti 30 ildən artıqdır bu işi azadlıqda olanlarla görür. Bunun qarşılığında insanlar elə həmin Məşhəddə islam dinindən imtina edir. Hakimiyyət isə rəhbər tutduğu islam ideologiyası altında hər türlü ədalətsizliklərə yol verir.

Elə həmin məhbuslara da 30 ildir ibtidai sinifdən başlayaraq, islamın təməli təqlid edilir. Ancaq hakimiyyətin bu siyasi –ideologiya altında yetişdirdiyi nəsl ona azadlıqda təlim olunanlara qarşı çıxaraq, cinayət törədir. Bu cinayətlərin törədilməsinə bir çox hallarda hakimiyyət şəarit özü yaradır.

Vurğuladığımızı təsdiqləmək üçün xatırladaq ki, Məşhəddə son bir neçə ayda ev şəraitində fəaliyyət göstərən 200 kilsənin aşkarlanıb.

İranın iqtidaryönlü “Asriran” saytı ölkə gənclərinin kütləvi şəkildə xristianlığa və digər dinlərə üz tutduğu barədə xəbərdarlıq dolu yazı dərc edib.

«Mediaforum»un məlumatına görə,yazıda xristianlığın əsasən dörd şəhərdə - Tehran, Məşhəd, Kərəc və Rəştdə sürətlə yayıldığı, müsəlman gənclərin xristianlığı qəbul etdiyi vurğulanır: “Bu gün insanların islamı tərk edərək başqa dinlərə və ya dinsizliyə meyllənməsi İran cəmiyyətinin qarşılaşdığı ciddi problemlərdəndir. Son vaxtlar təkcə müqəddəs Məşhəd şəhərində 200 ev kilsəsi aşkar edilib. Yeni xristianlar rəsmi kilsələrdə ibadət edə bilmədikləri üçün evlərdəki kilsələrə toplaşır, ibadətlə məşğul olurlar”.

Yazıda daha sonra bildirilib ki, bir sıra vəzifəli ruhanilərin minbərlərdə və rəsmi tribunalarda dedikləri ilə əməli arasında görünən aşkar ziddiyyət islama və müsəlman gənclərin inancına xələl gətirir: “Bu gün gənclər islamdan üz döndərərək evlərdəki kilsələrdə peyda olursa, bunu günahı Allahın dinindən su-istifadə edənlərdə, öz çirkin və riyakar əməlləri ilə islamı eybəcər formaya salanlarda, ürəklərdə şübhə toxumu səpənlərdədir. Təəssüflər olsun ki, uzun illər dini dairələrdə təhsil alan bir sıra ruhanilər artıq çoxdandır Allahın dinini təbliğ etmək işini tamamilə kənara qoyub, müxtəlif vəzifələrdə çalışır, var-dövlət toplamaqla məşğul olurlar.

Misal üçün, ömrü boyu minbərlərdə imamların sadə həyat tərzindən danışanlar, insanları da bu cür sadə yaşamağa çağıranlar, eləcə də Həzrət Əlinin yamaqlı ayaqqabılarından bəhs edənlər indi saraylarda yaşayır, “Mercedes Benz” avtomobilinin son modellərindən başqa bir avtomobili bəyənmirlər. Bu ziddiyyətlər xalqın zehnində və imanında şübhə yaratmaya bilərmi?” Sədrəddin Soltan

GUNAZ.TV

SON XƏBƏRLƏR