GünAzTv: Ermənistanın baş naziri Tiqran Sarqsyanın İslam Respublikasına səfəri zamanı ikitərəfli ələqələrin genişləndirilməsi üçün bir sıra müqavilələr imzalanıb.

Belə sənədlərdən biri də 2010-2013-cü illərdə təhsil, elm və texnologiya sahəsində əməkdaşlığa dair proqramdır.

Proqramı İslam Respublikasının elm, araşdırma və texnologiya naziri Kamran Daneşcu ilə Ermənistanın təhsil və elm naziri Armen Aşotyan imzalayıb.

Sənəd çərçivəsində tərəflər hər il tələbə mübadiləsi edəcək. Hər il 5 iranlı Ermənistanda aspiranturaya daxil olmaq imkanı qazanacaq, İslam Respublikası isə Ermənistana   2 bakalavar , 2 magistratura, 2 aspirantura yeri ayırıb.

GünAzTV-nin «Armenia Today»-ə istinadən məlumatına görə, İslam Respublikasından bir qrup yaxın günlərdə Ermənistana səfər edərək, bu ölkənin ali təhsil müəssisəlrinin səviyyəsini öyrənəcək. Ezamiyyətdə olacaq iranlı nümayəndə heyətinin rəyinə əsasən Ermənisnan universitetlərinin verdiyi diplomalırın İranda tanınması istiqamətində Tehran hakimiyyəti qərar çıxaracaq.

İran İslam Respublikası rəhbərliyi ilə rəsmi Ermənistan arasında biri-birinə sayğı və sevgi bununla başa çatmır.

Bir neçə ay öncə, İranın İslam İrşad və Mədəniyyət Nazirliyi ilə Ermənistanın uyğun qurumu arasında 2010-2012-ci illər üçün bu təhsil sahəsində əməkdaşlığa dair  müqavilə imzalanıb.

Ermənistanın mədəniyyət naziri Asmik Poqosyan və onun iranlı həmkarı Mehdi Mustafavi imzalanmış sənəddən məmnun olduqlarını bəyan edərək, bildirmişlər ki, bu müqavilə mədəniyyət sahəsində əməkdaşlığın daha da dərinləşməsi və inkişafına şərait yaradacaq.

M.Mustafavi bildirmişdi ki, rəsmi Tehran Yerevanla mənəvi dəyərlərin qorunub saxlanılmasına böyük önəm verir. Onun sözlərinə görə, İslam Respublikası müqəddəs Faddeya kilsəsini yaxın zamanlarda bərpa edəcək. İranlı nazir Yerevandakı Göy Məscidin qorunmasını da alqışlayıb.

Qeyd edək ki, ermənilər Yerevanda dağılmaq üzrə olan bu məscidi «fars mədəniyyətinin incisi» kimi təqdim edir.

İmzalanmış anlaşmaya əsasən İranda və Ermənistanda mədəniyyət günləri, festival və sərgilər keçiriləcək. Bu tədbirlər isə yaradılmış İran-Ermənistan birgə komissiyası həyata keçirəcək. Həmin proqarmı çərçivəsində artıq Yerevanda İran İslam Respublikasının çağdaş incəsənət əsərləri sərgisi açılıb.

 Ermənistanın diaspora naziri Hranuş Akopyan isə Tehrana tez-tez səfər edir. Bu yaxınlarda  Tehranda səfərdə olarkən, o, demişdi ki,görə, İran İslam Respublikasında yaşayan ermənilər barəsində sənədli film çəkiləcək. Erməni nazirin sözlərinə görə,  bu haqda İranın mədəniyyət naziri M.Mustafavi və İslam Respublikasının başqa rəsmilərinin görüşündə razılıq əldə olunub. Görüşdə başqa məsələlər, o cümlədən İrandakı erməni məktəblərinin erməni dilində dərsliklə  təmin edilməsi məsələsi müzakirə edilərək, uyğun anlaşma əldə edilib.

Yeri gəlmişkən, rəsmi məlumata əsasən, İran İslam Respublikasının paytaxtı Tehranda erməni dillində 24 məktəb fəaliyyət göstərir. Bundan başqa oxşar təhsil müəssisələri Təbriz, Urmiya, İsfahanda da var.

Bir neçə ay öncə Ermənistanın elm və təhsil naziri Armen Aşotyan Tehranın Yerevandakı səfəri Seyid Əli Saqaiyanla görüşündə  İran və Ermənistan universitetlərinin diplomlarının qarşılıqlı tanınması ilə bağlı problem müzakirə edilmişdi.

Yerevandakı informasiya mənbələrinin məlumatına görə, İslam Respublikasının uyğun qurumu Ermənistan Dövlət Universiteti, Mxitara Heratsi adına Yerevan Dövlət Tibbi Universiteti və Ermənistan Dövlət Mühəndis Universitetinin diplomalarını tanımağa hazırlaşır.

Ermənistanın elm və təhsil naziri Armen Aşotyanı Tehrana 3 ay öncəki səfərdən dönərkən, demişdi: «İranın uyğun qurumlarının təmsilçilərinin Ermənistana səfəri  gözlənilir. Yayda biz ölkəmizin üç ali təhsil ocağının diplomunun tanınması ilə bağlı anlaşma əldə edəcəyik».

O, qeyd edib ki, 2010-cu ildə İranda təhsilini davam etdirmək üçün 10 erməni aspiranta İslam Respublikası təqaüd ayırıb.

Nazirin İrana səfəri zamanı Əmir Kəbir adına Tehran Dövlət Politexnik Universiteti ilə Ermənistan Dövlət Mühəndis Universiteti arasında əməkdaşlığa dair müqavilə də imzalanmışdı.

Özünü müsəlman, ədalətli sayan bir hakimiyyətin, İran İslam Respublikası rəhbərliyinin öz vətəndaşlarına, müslman Güney Azərbaycan türklərinə ögey münasibəti heyrət doğurur. Maraqlıdır, İranda yaşayan bir neçə 150 minlik erməninin yalnız Tehranda azından 24 məktəbi fəaliyyət göstərdiyi halda, 35 milyonluq Azərbaycan türklərinin anna dilində bir sinif məktəbi belə yoxdur.

Güney Azərbaycan türklərinin Azərbaycan Respublikasında təhsil almasının qarşısını Tehran hakimiyyət çeşidli üsullarla almağa çalışdığı təqdirdə, Ermənistan universitetlərinin diplomalarını belə tanımağa hazırlaşır.

Bu münasibətin adını qoymağa söz belə yoxdur. Çünki İslam Respublikasının Ermənistanla bu sayaq əlaqəsi nə yəhudiliyə, nə xristianlığı, nə də islama yaraşmır. Bu ədalətsizilik dünyada tayı olmayan fars şovnizminin boyuna biçilib. Həmin düşnücənin daşıyıcıları isə  indi İran İslam Respublikasını idarə edirlər.  Sədrəddin Soltan