Contact Us

SON XƏBƏRLƏR

İranın nüvə fəaliyyətlərində yeni mərhələ başlayır?

2021.10.20, 07:36
İranın nüvə fəaliyyətlərində yeni mərhələ başlayır?

Gunaz.tv

GünAzTv: İran Dövlət Televiziyası ölkənin ilk nüvə təsisatı olan Buşəhr reaktoruna yanacaq yüklənməyə başlandığını bildirib.

İranın cənubunda yer alan stansiyanı nüvə yanacağını təmin edən və tullantıları geri alan Rusiya işlədəcək. İran atom elektrik stansiyasının artıq gələn ilin əvvəlindən etibarən enerji hasilatına başlayacağını açıqlayıb. Buşəhr nüvə təsisatında işlərə ilk dəfə 1975-ci ildə alman mühəndislər tərəfindən başlanılıb. Sonra Rusiyanın nəzarətinə keçən layihənin sürəti xeyli azalıb. Uranın zənginləşdirilməsi proqramını həyata keçirdiyindən dünya ictimaiyyəti İranın AES-ə sahib olmasını da təhlükə mənbəyi olaraq görməyə başlayıblar. Bu səbəbdən İran hazırda BMT-nin və bir sıra ölkələrin sanksiyalarına məruz qalıb. Mütəxəssislər Buşəhr AES-də istifadə edilən uranın zənginləşdirilmə səviyyəsinin silah istehsalı üçün lazım olan səviyyədən aşağı olduğunu bildirirlər. Nüvə silahının istehsalı üçün uran 90 faiz zənginləşdirilməli olduğu halda, AES-də istifadə üçün uranın 3,5 faiz zənginləşdirilməsi yetərlidir. Uranı zənginləşdirmək üçün İranın öz avadanlıqları olsa da, yanacağı Rusiya təmin edir. Bununla belə, İran tibbi araşdırma reaktorunda uranın 20 faiz zənginləşdirilməsi üçün proqram icra etməkdədir. Qərbi və İsraili narahat edən də məhz bu reaktordur və zənginləşdirmə prosesinin sonda silah istehsalı ilə tamamlanacağına dair narahatlıqlar var.

SEÇİLMİŞ XƏBƏRLƏR

Çox oxunanlar