GünAzTv: "Economist" jurnalı  yazır ki, Ankara regional diplomatiya nəhəngidir və bölgənin Braziliyasına çevrilib.

Qərb mətbuatının yaxından izlədiyi Türkiyənin inkişaf prosesi \"Economist\" jurnalının diqqət mərkəzinə düşüb. Jurnal Qərb ölkələrinin diqqətdən qaçırdığı bir çox məqamlara toxunub və Qərbə xəbərdarlıq ünvanlayıb. Məqalədə iqtisadiyyat, xarici siyasət, daxili siyasət, Türkiyənin Avropa Birliyi perspektivi və başqa məsələlər araşdırılıb.

 \"Türkiyə Qərbə arxa çevirirmi?\" başlıqlı məqalədə deyilir: \"Avropa və Amerika Türkiyənin uğurlarını qiymətləndirməsə, Qərbə arxa çevirə bilər. Müharibədən sonrakı dövrün böyük birkəsimində Türkiyə iqtisadiyyatı Çar Nikolayın ifadəsilə desək, \"Avropanın xəstə adamı idi\". Bu gün inflyasiyası daha aşağı və bankları möhkəm olan Türkiyə İqtisadi Əməkdaşlıq və İnkişaf Təşkilatı çərçivəsində ən sürətlə böyüyən iqtisadiyyatdır. Emal və inşaat sektoru çox güclüdür. Türkiyə bu gün mebel, avtomobil, sement, ayaqqabı, televiziya və DVD pleyerlər istehsal edir. Müəyyən mənada Avropanın Çini demək də mümkündür. Amerikadan sonra dünyanın ikinci ən böyük ordusu ilə NATO-nun köhnədən üzvü olan Türkiyə hər zaman Qərbin qala divarı olub. Norveçlə birlikdə Sovet İttifaqı sərhədində yerləşən iki ölkədən biriydi. Amma Türkiyə Qərb tərəfdarı olması səbəbindən bir zamanlar Osmanlı imperiyasının parçası olan ölkələr də daxil olmaqla qonşularına laqeyd yanaşdı. Bu sahədə də böyük bir dəyişiklik var. İndi Türkiyə güclü iqtisadiyyatının dəstəyi ilə diplomatik baxımdan Yaxın Şərqdə, Balkanlarda və hətta Afrikada son dərəcə aktiv mövqeyə çıxıb. Hərçənd müttəfiqlərinin bundan məmnun olduğunu demək olmaz, amma Türkiyə müəyyən mənada regional diplomatiya nəhənginə çevrilib. Bölgənin Braziliyasına çevrilib. Qərb güclərinin belə bir irəliləyişdən məmnun olacağını düşünə bilərsiniz, amma məğrur bir Türkiyə çoxlarını narahat edir. Əhalisi belə çox olan bir ölkənin Avropa Birliyinə üzvlüyü ehtimalı avropalıları titrədir. Türkiyə mövzusunda laqeydliyi səbəbindən Avropanı danlayan Amerika indi Ankaranın yeni \"macəraçı\" xarici siyasətindən narahatdır. Qərbdəki əleyhdarları Türkiyənin İslam təməlçiliyinə sürükləndiyini və itirilməkdə olduğu fikrinin arxasında gizlənməyə meyillənirlər. Bu tamamilə yanlış düşüncədir. Amma Qərbdə bunu belə görənlərin sayı artdıqca, Türkiyənin həqiqətən itirilməsi ehtimalı da artacaq. Bəzi hallarda Türkiyə ifrat İslam həmrəyliyinin qurbanı olur, barəsində müharibə cinayətlərinə dair ittihamlara baxmayaraq, Sudan prezidenti Ömər əl-Bəşirlə yaxşı xoş münasibətlər qurur, Braziliya ilə birlikdə İranla bağlı cəhdlər göstərir, İsrailə qarşı tənqidləri yalnız İsraili deyil, Amerikanı da qəzəbləndirir. Braziliya da İranla xoş davrandı. Amma kimsə Braziliyanın Qərbə yaxınlığına şübhə etmir…Türkiyə hökumətin Qəzza yardım donanmasına rəhbərlik edən şəxslərlə əlaqəli olması yanlış yanaşmadır, İsrail gəmidəki doqquz adamı öldürməsəydi bu bir fəlakətə çevrilməyəcəkdi. Bütün bunlara əlavə olaraq, Türkiyə hökuməti demokratik ölkələrin etməyə çalışdığı şeyləri edir - xalqının fikirlərini əks etdirir.Fransa, Almaniya, Avstriya və Hollandiya hökumətləri və xalqlarının əksəriyyəti Ankaranın Avropa Birliyinə üzvlüyünə qarşı çıxırlar. Amma əgər Avropa Birliyi öz Çinini kənarda saxlamaq yolunu seçsə, bölgəsində ən sürətlə böyüyən iqtisadiyyata kürəyini çevirəcək, Şərqə nüfuz etmək imkanlarını itirəcək. Dünyada artıq təsir imkanlarının olmadığından şikayətlənməyə başlayan avropalılar tarixi bir səhvə yol verirlər. Türkiyədə daxili siyasət Türkiyənin özü qədər rəngarəng və maraqlıdır, partiyalar qurularaq bir anda bağlanır, siyasətçilərə qadağalar qoyulur, bütün ölçülərdə koalisiyalar sınaqdan çıxarılır və ordu tez-tez hökumətləri devirir. Amma 2001-ci il iqtisadi böhran bu gedişatı dəyişdirdi…\". Bizim yol