Britanyalı nazir: Azərbaycan Avropa Birliyinin ən əhəmiyyətli tərəfdaşdır

SON XƏBƏRLƏR

Britanyalı nazir: Azərbaycan Avropa Birliyinin ən əhəmiyyətli tərəfdaşdır

2021.10.20, 07:36

Gunaz.tv

GünAzTv: Böyük Britaniyanın Avropa məsələləri üzrə naziri Devid Lidinqton Azərbaycana sərfərinin yekunları ilə bağlı mətbuat konfransı keçirib.

Nazir bildirib ki, Böyük Britaniya Azərbaycanı Avropa Birliyindən kənar ölkələr arasında ən əhəmiyyətli tərəfdaş hesab edir.

GünAzTv mətbuat mərkəzinin İTV-yə istinadən yaydığı məlumata görə, Azərbaycanda keçirdiyi görüşlər haqqında ətraflı məlumat verən Devid Lidinqton qeyd etdi ki, baş nazir Deyvid Kameronun xüsusi məktubunu prezident İlham Əliyevə təqdim edib. Səfər zamanı bütün görüşlərdə Dağlıq Qarabağ münaqişəsi də daxil olmaqla, ikitərəfli münasibətlər və Azərbaycanın Avropa strukturlarına inteqrasiyası diqqət mərkəzində olub. Azərbaycanla Böyük Britaniyanın münasibətlərini yüksək dəyərləndirən Lidinqton bu əlaqələrin çox güclü olduğunu bildirib.

Böyük Britaniyanın Avropa məsələləri üzrə naziri Devid Lidinqton:

“Böyük Britaniyanın Azərbaycanla çox güclü və dəyərli münasibətləri var. Bizim hökumət Azərbaycanı Avropa Birliyindən kənar dövlətlər arasında ən əhəmiyyətli ölkə kimi qəbul edir. Münasibətlərimizin əsasən neft-qaz sektorunu əhatə etməsinə baxmayaraq, düşünürəm ki, ikitərəfli əlaqələrimizin mahiyyəti bundan daha dəyərlidir. Biz Azərbaycanın Avropa strukturlarına inteqrasiyasında maraqlıyıq. Həmçinin Azərbaycanın Ümumdünya Ticarət Təşkilatına üzvlüyünü dəstəkləyirik. Bu iqtisadiyyatınızın diversifikasiyası üçün çox əhəmiyyətlidir.””

Səfərin əsas məqsədinin münasibətləri daha da dərinləşdirmək olduğunu açıqlayan Lidinqtonun sözlərinə görə, Bakıdakı görüşləri zamanı neft - qaz sektoruilə yanaşı nəqliyyat, mədəniyyət, təhsil və alternativ enerji sahələrində də əməkdaşlığı gücləndirmək imkanlarını öyrənməyə çalışıb.

Böyük Britaniyanın Dağlıq Qarabağ münaqişəsinin tezliklə həll olunmasında maraqlı olduğunu da deyən nazir bildirdi ki, Azərbaycan hökuməti ilə keçirilən bütün görüşlərdə ölkəsi bu məsələnin həllinə hansı şəkildə kömək edəcəyi barədə təkliflərini təqdim edir. Onun fikrincə, münaqişə Helsinki Yekun Aktının üç prinsipi - dövlətlərin ərazi bütövlü, xalqların öz müqəddəratını təyin etmə və münaqişələrin dinc vasitələrlə həlli əsasında nizamlanmalıdır.

Qarşıdan gələn parlament seçkilərinə də toxunan nazir qeyd edib ki, seçkilərin Avropa standartların uyğun keçəcəyinə ümid edir:

“Bu sahədə Azərbaycanın ATƏT və Avropa Şurası ilə sıx əməkdaşlığı mövcuddur. Böyük Britaniya seçkiləri müşahidə etmək üçün ATƏT missiyası çərçivəsində öz nümayəndələrini göndərəcək. İnanırıq ki, bu seçkilər Azərbaycanın demokratik dəyərlərə inteqrasiyasına tövhə olacaq”.

GUNAZ.TV

SON XƏBƏRLƏR